μάγειρ᾽, ἀηδής μοι δοκεῖς εἶναι σφόδρα.ὅτι δὲ ἐκεχώριστο τὰ τῆς ὑπουργίας, πεμμάτων μὲν προνοουσῶν τῶν δημιουργῶν, ὀψαρτυτικῆς δὲ τῶν μαγείρων, Ἀντιφάνης διεσάφησεν ἐν Χρυσίδι οὕτως ῾II 110 K':'
πόσας τραπέζας μέλλομεν ποιεῖν, τρίτον
ἤδη μ᾽ ἐρωτᾷς. χοιρίδιον ἓν θύομεν,
ὀκτὼ ποιήσοντες τραπέζας δ᾽ ἢ μίαν,
τί σοι διαφέρει τοῦτο; παράθες [σημίαν.]
οὐκ ἔστι κανδύλους ποιεῖν οὐδ᾽ οἷα σὺ
εἴωθας εἰς ταὐτὸν καρυκεύειν μέλι,
σεμίδαλιν, ᾠά: πάντα γὰρ τἀναντία
νῦν ἐστιν: ὁ μάγειρος γὰρ ἐγχύτους ποιεῖ,
πλακοῦντας ὀπτᾷ, χόνδρον ἕψει καὶ φέρει
μετὰ τὸ τάριχος, εἶτα θρῖον καὶ βότρυς:
ἡ δημιουργὸς δ᾽ ἀντιπαρατεταγμένη
κρεᾴδι᾽ ὀπτᾷ καὶ κίχλας, τραγήματα.
ἔπειθ᾽ ὁ δειπνῶν μὲν τραγηματίζεται,
μυρισάμενος δὲ καὶ στεφανωσάμενος πάλιν
δειπνεῖ τὰ μελίπηκτα ταῖς κίχλαις.
τέτταρες δ᾽ αὐλητρίδεςΜένανδρος Δημιουργῷ ῾IV 103 M':'
ἔχουσι μισθὸν καὶ μάγειροι δώδεκα
καὶ δημιουργοὶ μέλιτος αἰτοῦσαι σκάφας.
τί τοῦτο, παῖ; διακονικῶς γὰρ νὴ Δίαπεμμάτων δὲ πρῶτόν φησιν μνημονεῦσαι Πανύασσιν ῾fr. 26 Ki' 'Σέλευκος, ἐν οἷς περὶ τῆς παρ᾽ Αἰγυπτίοις ἀνθρωποθυσίας διηγεῖται, πολλὰ μὲν ἐπιθεῖναι λέγων πέμματα, ‘πολλὰς δὲ νοσσάδας ὄρνις,' προτέρου Στησιχόρου ἢ Ἰβύκου ἐν τοῖς Ἄθλοις ἐπιγραφομένοις ῾fr. 2 B' 'εἰρηκότος φέρεσθαι τῇ παρθένῳ δῶρα
προελήλυθας. Β. ναί: πλάττομεν γὰρ πέμματα
τὴν νύκτα τ᾽ ἠγρυπνήκαμεν: καὶ νῦν ἔτι
ἀποίητα πάμπολλ᾽ ἐστὶν ἡμῖν.
σασαμίδας χόνδρον τε καὶ ἐγκρίδαςὅτι δὲ τὸ ποίημα τοῦτο Στησιχόρου ἐστὶν ἱκανώτατος μάρτυς Σιμωνίδης ὁ ποιητής, ὃς περὶ τοῦ Μελεάγρου τὸν λόγον ποιούμενός φησιν ῾fr. 53 B':'
ἄλλα τε πέμματα καὶ μέλι χλωρόν.
ὡς δουρὶ πάνταςὁ γὰρ Στησίχορος οὕτως εἴρηκεν ἐν τῷ προκειμένῳ ᾁσματι τοῖς Ἄθλοις ῾fr. 3 B':'
νίκασε νέους ὑπὲρ δινάεντα βαλὼν Ἄναυρον
πολυβότρυος ἐξ Ἰωλκοῦ:
οὕτω γὰρ Ὅμηρος ἠδὲ Στασίχορος ἄεισε λαοῖς.
θρῴσκων μὲν γὰρ Ἀμφιάραος, ἄκοντι δὲ νίκασεν
Μελέαγρος.
