τὸ βάθος παρίστησιν ὁ κωμικὸς τοῦ ποτηρίου. Ἀντιφάνης δὲ ἐν Ἀσκληπιῷ:
τὸ πρᾶγμ᾽ ἑορτή, περιέφερε δὲ κύκλῳ λεπαστὴν
ἡμῖν ταχὺ προσφέρων παῖς οἰνοχόος σφόδρα κυανοβενθῆ,
Φιλύλλιος Αὔγῃ:
τὴν δὲ γραῦν τὴν ἀσθενοῦσαν πάνυ πάλαι, τὴν βρυτικήν,
ῥίζιον τρίψας τι μικρὸν δελεάσας τε γεννικῇ
τὸ μέγεθος κοίλῃ λεπαστῇ, τοῦτ᾽ ἐποίησεν ἐκπιεῖν.
Θεόπομπος Παμφίλῃ:
πάντα γὰρ ἦν
μέστ᾽ ἀνδρῶν καὶ μειρακίων
πινόντων ὁμοῦ δ᾽ ἄλλων
γρᾴδι᾽ ἦν μεγάλαισιν οἴνου χαίροντα λεπασταῖς.