This text is part of:
Search the Perseus Catalog for:
Click on a word to bring up parses, dictionary entries, and frequency statistics
Sancta salutiferi redeunt sollemnia Christi
et devota pii celebrant ieiunia mystae.
at nos aeternum cohibentes pectore cultum
intemeratorum vim continuamus honorum.
5annua cura sacris, iugis reverentia nobis. [p. 36]
Magne pater rerum, cui terra et pontus et aer
Tartaraque et picti servit plaga lactea caeli,
noxia quem scelerum plebis tremit almaque russum
concelebrat votis animarum turba piarum:
10tu brevis hunc aevi cursum celeremque caducae
finem animae donas aeternae munere vitae.1
tu mites legum monitus sacrosque prophetas
humano impertis generi servasque nepotes,
deceptum miseratus Adam, quem capta venenis
15implicuit socium blandis erroribus Aevva. 2
tu verbum, pater alme, tuum, natumque deumque,
concedis terris totum similemque paremque,
ex vero verum vivaque ab origine vivum,
ille tuis doctus monitis hoc addidit unum,
20ut, super aequoreas nabat qui spiritus undas,3
pigra inmortali vegetaret membra lavacro,
trina fides auctore uno, spes certa salutis ... 1
hunc numerum iunctis virtutibus amplectenti.
Tale et terrenis specimen spectatur in oris
25Augustus genitor, geminum sator Augustorum,
qui fratrem natumque pio conplexus utrumque
numine partitur regnum neque dividit unum,
omnia solus habens atque omnia dilargitus.
hos igitur nobis trina pietate vigentes, [p. 38]
30rectores terrae placidos caelique ministros,
Christe, aput aeternum placabilis adsere patrem.
1 da veniam et praesta speratae munera vitae
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.