Pertinax
David Magie, Ainsworth O'Brien-Moore, Susan Helen Ballou, Ed.

---

testimonium occidi praeceperat. trecenti igitur de castris armati ad imperatorias aedes ¹ cuneo facto [2] milites venere, eadem tamen die immolante Pertinace negatur in hostia cor repertum; et cum id vellet procurare, caput extorum non deprehendit. et tunc [3] quidem omnes milites in castris manebant, qui cum e ² castris ad obsequium principis convenissent, et Pertinax eo die processionem, quam ³ ad Athenaeum paraverat, ut audiret poetam, ob sacrificii praesagium distulisset, ii qui ad obsequium venerant redire in [4] castra coeperunt, sed subito globus ille in Palatium pervenit neque aut arceri potuit aut imperatori nun- ^{4 5 6} [5] tiari. enimvero tantum odium in Pertinacem omnium aulicorum fuit, ut ad facinus milites hortarentur. [6] supervenerunt Pertinaci, cum ille aulicum famulicium ordinaret, ingressique porticus Palatii usque ad locum [7] qui appellatur Sicilia et Iovis cenatio. hoc cognito Pertinax Laetum praefectum praetorii ad eos misit, sed ille declinatis militibus per porticus egressus [8] adoperto capite domum se contulit, verum cum ad interiora prorumperent, Pertinax ad eos processit ⁷ [9] eosque longa et gravi oratione placavit, sed cum Tausius quidam, unus e Tungris, in iram et in timorem milites loquendo adduxisset, hastam in pectus [10] Pertinacis obiecit, tunc ille precatus Iovem Ultorem [11] toga caput operuit atque a ceteris confossus est. et Eclectus ⁸ quidem confossis duobus cum eodem periit; [12] reliqui autem cubicularii palatini (nam suos statim, ut imperator iactus est, filiis emancipatis dederat) diffugerunt, [13] multi sane dicunt, etiam cubiculum milites inrupisse atque illic circa lectum fugientem Pertinacem occidisse.