Click on a word to bring up parses, dictionary entries, and frequency statistics
28.
Tum Cn. Pompeius, tertium consul corrigendis moribus delectus et gravior remediis quam delicta erant
suarumque legum auctor idem ac subversor, quae armis
tuebatur armis amisit. exim continua per viginti annos
discordia, non mos, non ius; deterrima quaeque impune
ac multa honesta exitio fuere. sexto demum consulatu
Caesar Augustus, potentiae securus, quae triumviratu iusserat abolevit deditque iura quis pace et principe uteremur.
acriora ex eo vincla, inditi custodes et lege Papia Poppaea
praemiis inducti ut, si a privilegiis parentum cessaretur,
velut parens omnium populus vacantia teneret. sed altius
penetrabant urbemque et Italiam et quod usquam civium
corripuerant, multorumque excisi status. et terror omnibus
intentabatur ni Tiberius statuendo remedio quinque consularium, quinque e praetoriis, totidem e cetero senatu sorte
duxisset apud quos exsoluti plerique legis nexus modicum
in praesens levamentum fuere.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.