Click on a word to bring up parses, dictionary entries, and frequency statistics
21.
Olim quidem non modo praetor aut consul sed privati
etiam mittebantur qui provincias viserent et quid de cuiusque
obsequio videretur referrent; trepidabantque gentes de
aestimatione singulorum: at nunc colimus externos et adulamur, et quo modo ad nutum alicuius grates, ita promptius
accusatio decernitur. decernaturque et maneat provincialibus
potentiam suam tali modo ostentandi: sed laus falsa et precibus expressa perinde cohibeatur quam malitia, quam crudelitas. plura saepe peccantur, dum demeremur quam dum
offendimus. quaedam immo virtutes odio sunt, severitas
obstinata, invictus adversum gratiam animus. inde initia
magistratuum nostrorum meliora ferme et finis inclinat, dum
in modum candidatorum suffragia conquirimus: quae si
arceantur, aequabilius atque constantius provinciae regentur.
nam ut metu repetundarum infracta avaritia est, ita vetita
gratiarum actione ambitio cohibebitur.'
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.