Click on a word to bring up parses, dictionary entries, and frequency statistics
42.
Haud multo post praefectum urbis Pedanium Secundum servus ipsius interfecit, seu negata libertate cui
pretium pepigerat sive amore exoleti incensus et dominum
aemulum non tolerans. ceterum cum vetere ex more
familiam omnem quae sub eodem tecto mansitaverat ad
supplicium agi oporteret, concursu plebis quae tot innoxios
protegebat usque ad seditionem ventum est senatusque
obsessus, in quo ipso erant studia nimiam severitatem
aspernantium, pluribus nihil mutandum censentibus. ex
quis C. Cassius sententiae loco in hunc modum disseruit:
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.