Click on a word to bring up parses, dictionary entries, and frequency statistics
55.
Nec multo post agrestium Cilicum nationes, quibus
Clitarum cognomentum, saepe et alias commotae, tunc
Troxobore duce montis asperos castris cepere atque inde
decursu in litora aut urbes vim cultoribus et oppidanis ac
plerumque in mercatores et navicularios audebant. obsessaque civitas Anemuriensis, et missi e Syria in subsidium
equites cum praefecto Curtio Severo turbantur, quod duri
circum loci peditibusque ad pugnam idonei equestre proelium haud patiebantur. dein rex eius orae Antiochus
blandimentis adversum plebem, fraude in ducem cum
barbarorum copias dissociasset, Troxobore paucisque
primoribus interfectis ceteros clementia composuit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.