Click on a word to bring up parses, dictionary entries, and frequency statistics
38.
At in Chaucis coeptavere seditionem praesidium
agitantes vexillarii discordium legionum et praesenti duorum militum supplicio paulum repressi sunt. iusserat id
M'. Ennius castrorum praefectus, bono magis exemplo
quam concesso iure. deinde intumescente motu profugus
repertusque, postquam intutae latebrae, praesidium ab audacia mutuatur: non praefectum ab iis, sed Germanicum
ducem, sed Tiberium imperatorem violari. simul exterritis qui obstiterant, raptum vexillum ad ripam vertit, et si
quis agmine decessisset, pro desertore fore clamitans, reduxit
in hiberna turbidos et nihil ausos.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.