Click on a word to bring up parses, dictionary entries, and frequency statistics
21.
Horum adventu redintegratur seditio et vagi circumiecta populabantur. Blaesus paucos, maxime praeda onustos,
ad terrorem ceterorum adfici verberibus, claudi carcere
iubet; nam etiam tum legato a centurionibus et optimo
quoque manipularium parebatur. illi obniti trahentibus,
prensare circumstantium genua, ciere modo nomina singulorum, modo centuriam quisque cuius manipularis erat,
cohortem, legionem, eadem omnibus inminere clamitantes.
simul probra in legatum cumulant, caelum ac deos obtestantur, nihil reliqui faciunt quo minus invidiam misericordiam metum et iras permoverent. adcurritur ab universis,
et carcere effracto solvunt vincula desertoresque ac rerum
capitalium damnatos sibi iam miscent.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.