Click on a word to bring up parses, dictionary entries, and frequency statistics
48.
Sub idem tempus L. Piso pro consule interficitur. ea
de caede quam verissime expediam, si pauca supra repetiero
ab initio causisque talium facinorum non absurda. legio in
Africa auxiliaque tutandis imperii finibus sub divo Augusto
Tiberioque principibus proconsuli parebant. mox G.
Caesar, turbidus animi ac Marcum Silanum obtinentem Africam metuens, ablatam proconsuli legionem misso in eam
rem legato tradidit. aequatus inter duos beneficiorum numerus, et mixtis utriusque mandatis discordia quaesita auctaque pravo certamine. legatorum ius adolevit diuturnitate officii, vel quia minoribus maior aemulandi cura, proconsulum splendidissimus quisque securitati magis quam potentiae
consulebant.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.