Click on a word to bring up parses, dictionary entries, and frequency statistics
33.
Festinandum ceteris videbatur antequam cresceret
invalida adhuc coniuratio paucorum: trepidaturum etiam Othonem, qui furtim digressus, ad ignaros inlatus, cunctatione
nunc et segnitia terentium tempus imitari principem discat.
non expectandum ut compositis castris forum invadat et prospectante Galba Capitolium adeat, dum egregius imperator
cum fortibus amicis ianua ac limine tenus domum cludit, obsidionem nimirum toleraturus. et praeclarum in servis auxilium si consensus tantae multitudinis et, quae plurimum valet, prima indignatio elanguescat. proinde intuta quae indecora; vel si cadere necesse sit, occurrendum discrimini:
id Othoni invidiosius et ipsis honestum. repugnantem huic
sententiae Vinium Laco minaciter invasit, stimulante Icelo
privati odii pertinacia in publicum exitium.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.