Click on a word to bring up parses, dictionary entries, and frequency statistics
11.
Aegyptum copiasque, quibus coerceretur, iam inde
a divo Augusto equites Romani obtinent loco regum: ita visum expedire, provinciam aditu difficilem, annonae fecundam, superstitione ac lascivia discordem et mobilem, insciam
legum, ignaram magistratuum, domi retinere. regebat tum
Tiberius Alexander, eiusdem nationis. Africa ac legiones in
ea interfecto Clodio Macro contenta qualicumque principe
post experimentum domini minoris. duae Mauretaniae, Raetia, Noricum, Thraecia et quae aliae procuratoribus cohibentur, ut cuique exercitui vicinae, ita in favorem aut odium
contactu valentiorum agebantur. inermes provinciae atque
ipsa in primis Italia, cuicumque servitio exposita, in pretium
belli cessurae erant. hic fuit rerum Romanarum status, cum
Servius Galba iterum Titus Vinius consules inchoavere annum
sibi ultimum, rei publicae prope supremum.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.