Click on a word to bring up parses, dictionary entries, and frequency statistics
Reges ex nobilitate, duces ex virtute sumunt. nec regibus infinita ac libera potestas, et duces exemplo potius
quam imperio, si prompti, si conspicui, si ante aciem agant,
[2]
admiratione praesunt. ceterum neque animadvertere neque
vincire, ne verberare quidem nisi sacerdotibus permissum,
non quasi in poenam nec ducis iussu, sed velut deo imperante, quem adesse bellantibus credunt.
[3]
effigiesque et signa
quaedam detracta lucis in proelium ferunt; quodque praecipuum fortitudinis incitamentum est, non casus nec fortuita conglobatio turmam aut cuneum facit, sed familiae et
propinquitates; et in proximo pignora, unde feminarum
[4]
ululatus audiri, unde vagitus infantium. hi cuique sanctissimi testes, hi maximi laudatores: ad matres, ad coniuges
vulnera ferunt; nec illae numerare et exigere plagas pavent,
cibosque et hortamina pugnantibus gestant.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.