Click on a word to bring up parses, dictionary entries, and frequency statistics
Ceteris servis non in nostrum morem descriptis per
familiam ministeriis utuntur: suam quisque sedem, suos
penates regit. frumenti modum dominus aut pecoris aut
vestis ut colono iniungit, et servus hactenus paret; cetera
[2]
domus officia uxor ac liberi exequuntur. verberare servum
ac vinculis et opere coercere rarum: occidere solent, non
disciplina et severitate, sed impetu et ira, ut inimicum, nisi
[3]
quod impune est. liberti non multum supra servos sunt,
raro aliquod momentum in domo, numquam in civitate,
exceptis dumtaxat iis gentibus quae regnantur. ibi enim et
super ingenuos et super nobiles ascendunt: apud ceteros
impares libertini libertatis argumentum sunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.