Click on a word to bring up parses, dictionary entries, and frequency statistics
Sequens hiems saluberrimis consiliis absumpta. namque
ut homines dispersi ac rudes eoque in bella faciles quieti et
otio per voluptates adsuescerent, hortari privatim, adiuvare
publice, ut templa fora domos extruerent, laudando promptos, castigando segnis: ita honoris aemulatio pro necessitate erat.
[2]
iam vero principum filios liberalibus artibus
erudire, et ingenia Britannorum studiis Gallorum anteferre,
ut qui modo linguam Romanam abnuebant, eloquentiam
[3]
concupiscerent. inde etiam habitus nostri honor et frequens
toga; paulatimque discessum ad delenimenta vitiorum,
porticus et balinea et conviviorum elegantiam. idque apud
imperitos humanitas vocabatur, cum pars servitutis esset.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.