XLIX
Crinitae Line paedagoge turbae,
Rerum quem dominum vocat suarum
Et credit cui+ Postumilla dives
Gemmas, aurea, vina, concubinos:
5Sic te perpetua fide probatum
Nulli non tua praeferat patrona:
Succurras misero, precor, furori
Et serves aliquando neglegenter
Illos qui male cor meum perurunt,
10Quos et noctibus et diebus opto
In nostro cupidus sinu videre,
Formosos, niveos, pares, gemellos,
Grandes, non pueros, sed uniones.