Click on a word to bring up parses, dictionary entries, and frequency statistics
[52]
Immo enim si uerum uelis, Aemiliane, tu potius [p. 58]
caducus qui iam tot calumniis cecidisti. neque enim grauius est corpore quam corde collabi, pede potius quam
mente corruere, in cubiculo despui quam in isto splendidissimo coetu detestari. at tu fortasse te putas sanum,
quod non domi contineris, sed insaniam tuam, quoquo te
duxerit, sequeris. atqui contende, si uis, furorem tuum
cum Thalli furore: inuenies non permultum interesse, nisi
quod Thallus sibi, tu etiam aliis furis. ceterum Thallus
oculos torquet, tu ueritatem, Thallus manus contrahit, tu
patronos, Thallus pauimentis inliditur, tu tribunalibus;
postremo ille quidquid agit in aegritudine facit, ignorans
peccat: at tu, miser, prudens et sciens delinquis, tanta
uis morbi te instigat; falsum pro uero insimulas, infectum
pro facto criminaris, quem innocentem liquido scis, tamen
accusas ut nocentem.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.