Imminet e celsis audentius1 improba muris
virgo nec ablatam2 sequitur quaeritve sororerm.
at quotiens vis dura ducum densique repente
Aesoniden pressere viri cumque omnis in unum
685imber iit, totiens saxis pulsatur et hastis:
primaque ad infesti Lexanoris horruit arcus,
alta sed Aesonium supra caput exit harundo,
[p. 155]
teque, Caice, petit; coniunx miseranda Caico
linquitur et primo domus imperfecta cubili.
690Regius eois Myraces interpres ab oris
venerat, ut Colchos procul atque Aeetia Parthis
foedera donato non inrita iungeret auro.3
tum iuvenem terris Parcae tenuere4 Cytaeis
ac subiti Mavortis amor. simul armiger ibat
695semivir impubemque gerens sterilemque iuventam.5
ipse Euphrataeis6 residens ad frena tapetis
nunc levis infesto procurrit in agmina curru,
nunc fuga conversas spargit7 mentita sagittas.
at viridem gemmis et eoae stamine silvae
700subligat extrema patrium8 cervice tiaran
insignis manicis, insignis acinace dextro;
improba barbaricae procurrunt tegmina plantae.
nec latuere diu saevum spolia illa Syenen,
perque levem et multo maculatam murice tigrin
705concita cuspis abit; subitos ex ore cruores
saucia tigris agit9 vitamque effundit erilem;
ipse puer fracto pronum caput implicat arcu.
sanguine tunc atro chlamys ignea, sanguine vultus10
et gravidae maduere comae, quas flore Sabaeo
710nutrierat liquidoque parens signaverat auro.
qualem siquis aquis et fertilis ubere terrae
educat ac ventis oleam felicibus implet,
nec labor adsiduus nec spes sua fallit alentem,
iamque videt11 primam tenero de vertice frondem,
715cum subito immissis praeceps aquilonia nimbis
venit hiemps nigraque evulsam tendit harena:12
[p. 156]
haud secus ante urbem Myraces atque ipsius ante
virginis ora cadit; sed non magis illa movetur
unius aegra metu, quam te, Meleagre, furentem,
720quam Talaum videt aut pugnas miratur Acasti;
at satis hos ipsae gentes campique videbant
tempestate pari versis incumbere turmis:
ante oculos fuga sera13 ducum largusque cadentum
est14 cruor et currus dominis ingentibus orbi.
725Non tulit hos Perses gemitus clademque15 suorum
tergaque versa tuens his16 caelum questibus implet:
'quid me17 iam patriis eiectum sedibus, istas
ut18 struerem pugnas Scythiamque in bella moverem,
vos superi, vos augurio lusistis19 inani?
730quid fratris meritas tua,20 Iuppiter, omina
promisere mihi? nobis Argoa parabas
scilicet auxilia et tantas coniungere vires.
saeva quidem lucis miseris mora; dent tamen, oro,
unum ilium mihi fata diem, quo vellera21 Achivos
735sic meritos quoque hunc22 videam virtute superbum
Aesoniden tantos flentem sine honore labores.'
dixerat haec pectusque suis everberat armis
et galeam fietu, galeam singultibus implet;23
ibat24 et in medii praeceps incendia belli,
740ni prior adversis Pallas vidisset ab armis
et secum: 'ruit ecce ferox in funera Perses,
quem genitor Colchis solioque imponere25 fratris
iam statuit. nostra vereor ne fraude peremptum
increpet et culpam hanc magno terrore rependat.'
745haec dicens atro nebulam diffundit amictu
[p. 157]
stridentesque26 viri circum caput amovet hastas.
ille super socias clementi turbine gentes
erigitur paulumque27 levi raptatus in aethra
iam tandem extremas pugnae defertur in oras,
750forte ubi serus Hiber Issedoniaeque28 phalanges
Marte carent29 solisque iuvant clamoribus agmen.
Nox simul astriferas profert optabilis umbras;
et cadit extemplo30 belli fragor, aegraque muris
digreditur longum virgo perpessa timorem.
755ut fera Nyctelii paulum per31 sacra resistunt,
mox rapuere deum iam iam quodcumque32 paratae
Thyiades, haut alio remeat Medea tumultu
atque inter Graiumque acies patriasque phalangas
semper inexpletis adgnoscit Iasona curis
760armaque quique cava superest de casside vultum.33
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 audentius T, audientibus V
2 ablatam Bon.1, albatam V
3 inrigiungere
needschecking tauro V1, corr. M2
4 parcae tenuere M, parcae et enuere V | cytheis M, scytheis V
5 iuuentam M2, iuuenta V
6 Euphrataeis Sudhaus, pharetratis V, cf. Plauti Stich. 378 et passim ad frena tapetis M2, afrenata petis V
7 spargit M, spagit V
8 patriam C
9 agit C, ait V, hiat T
10 uultus M2, uultis V
11 iamque videt Carr.2, Iam quidet V, Iam uidet et C
12 harena M, harem V
13 sera Sudhaus, cf. 750, fera V, torva C, foeda T, vulgo
14 est Kr., Et V, it T, vulgo
15 clademque M, cladem V
16 his vulgo, hic V
17 me M2, ne V
18 Ut M2, Ui V
19 lusistis Heinsius, iussistis V
20 tua T1, Carrio, tum V | omina CT, cod. Burmanni, omnia V
21 vellera Sudhaus, fellet V, fallat C, fallet M
22 quoque et hunc C
23 implet Bon.1, implent V
24 Ibat M, Iba V
25 inponere Thilo, iteponere V, reponere M
26 Stridentesque M, Stridensque V | hastas M, hastos V
27 paullumque C Bon.2, paulum V
28 Hiber Issedoniaeque Thilo, hiberis sidoniaeque V, Iber Essedoniaeque C
29 carent T, calent VC
30 extemplo Bon.1, exemplo V
31 paulum per V, paullisper C
32 quodcumque V, quocunque C, in quodcumque T1, cod. regius
33 vultum Wagner, uultus V
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.