previous next

Click on a word to bring up parses, dictionary entries, and frequency statistics

Ecce locum tempusque ratus iamque et sua posci
proelia, falcatos infert Ariasmenus axes
saevaque diffundit socium iuga protinus omnes
Graiugenas, omnes rapturus ab agmine Colchos.
390qualiter exosus Pyrrhae genus aequora rursus
Iuppiter atque omnes fluvium si fundat habenas,
ardua Parnasi lateant iuga, cesserit1 Othrys
piniger et mersis decrescant rupibus Alpes:
diluvio tali paribusque Ariasmenus urget
395excidiis nullo rapiens discrimine currus.
aegida tum primum virgo spiramque Medusae
ter centum saevis squalentem sustulit hydris,
[p. 145] quam soli vidistis equi. pavor occupat ingens2
excussis in terga viris, diramque retorquent3
400in socios non sponte luem. tunc ensibus uncis
implicat et trepidos lacerat discordia currus.
Romanas veluti saevissima cum legiones
Tisiphone regesque movet, quorum agmina pilis,
quorum aquilis4 utrimque micant, eademque parentes
405rura colunt, idem lectos ex omnibus agris
miserat infelix non haec ad proelia Thybris:
sic modo concordes externaque fata petentes
Palladii5 rapuere metus, sic in sua versi
funera concurrunt dominis revocantibus axes.
410non tam foeda virum Laurentibus agmina terris
eiecere noti, Libyco nec talis imago
litore, cum fractas involvunt aequora6 puppes.
hinc biiuges, illinc artus7 tenduntur eriles,
quos radii, quos frena secant, trahiturque trahitque
415currus caede madens, atroque in pulvere regum
viscera8 nunc aliis, aliis nunc curribus haerent.
haud usquam9 Colchorum animi neque .....
tela, sed implicitos miseraque in peste revinctos10
confodiunt ac forma necis non altera surgit,11
420quam cervos ubi non Umbro venator edaci,
non penna petit, haerentes sed cornibus altis
invenlt et caeca constrictos excipit12 ira.
ipse recollectis audax Ariasmenus armis
desilit; illum acies curvae secat undique falcis13
425partiturque14 rotis, atque inde furentia raptus
[p. 146] in iuga Circaeos tetigit non amplius agros.

Talia certatim Minyae sparsique Cytaei
funera miscebant campis Scythiamque premebant,15
cum Iuno Aesonidae non hanc ad vellera cernens
430esse viam nec sic reditus regina parandos
extremam molitur16 opem, funesta prius quam
consilia ac saevas17 aperit rex perfidus iras.
increpat et seris18 Vulcanum maesta querellis,
cuius flammiferos videt inter regia19 tauros
435pascua Tartaream proflantes pectore noctem.
haec etenim Minyas ne iungere Marte peracto
monstra satis iubeat Cadmei dentibus hydri,20
ante diem timet21 et varias circumspicit artes.
sola22 animo Medea subit, mens omnis in una23
440virgine, nocturnis qua nulla potentior aris.
illius adfatus24 sparsosque per avia sucos
sidera fixa pavent et avi stupet orbita Solis.
mutat agros fluviumque vias, suus alligat ignis25
cuncta, sopor recolit fessos aetate parentes
445datque alias sine lege colus. hanc maxima Circe
terrificis mirata modis, hanc advena Phrixus,
quamvis Atracio lunam spumare veneno
sciret et Haemoniis agitari cantibus umbras.
ergo opibus magicis et virginitate tremendam
450Iuno duci sociam coniungere quaerit Achivo.
non aliam tauris videt et nascentibus armis
quippe parem nec quae medio26 stet in agmine flammae:
nullum mente nefas, nullos27 horrescere visus.
[p. 147] quid si caecus amor saevusque accesserit ignis?
455hinc Veneris thalamos semperque recentia sertis
tecta petit. visa iamdudum prosilit altis
diva toris volucrumque exercitus omnis Amorum.
ac prior hanc28 placidis supplex Saturnia dictis
adgreditur veros metuens aperire timores.
460'in manibus spes nostra tuis omnisque potestas
nunc' ait; 'hoc etiam magis adnue vera29 fatenti.
durus ut30 Argolicis Tirynthius exulat oris,
mens mihi non eadem Iovis atque adversa31 voluntas,
nullus honor thalamis flammaeve in nocte priores.
465da,32 precor, artificis blanda adspiramina formae
ornatusque tuos terra caeloque potentes.'
sensit diva dolos iam pridem sponte requirens
Colchida et invisi genus omne excindere Phoebi.
tum vero optatis potitur, nec passa precari
470ulterius dedit acre33 decus fecundaque monstris
cingula, non pietas quibus aut custodia famae,
non pudor, at contra levis et festina cupido
adfatusque mali34 dulcisque labantibus error
et metus et demens alieni35 cura pericli.
475'omne' ait 'imperium natorumque arma meorum
cuncta dedi; quascumque libet nunc concute mentes.'

1 cesserit M, gesserit V post

2 versum deesse suspicor

3 retorquent Columbus, retorquet V

4 aquilis M2, aqua lis V | parentes Burmann, parentis V

5 Palladii M, Palladit V

6 aequora Bon.1, aequore V

7 artus M2T, arcus V | tendutur V

8 Viscera M, Vicera V

9 Haut usquam V, augescunt dubitanter Sudhaus | neque in pestere uinctos V, neque cura cauere C, neque Graia morantur Sudhaus ad sententiam aptius

10 in ueste reuinctos C

11 altera surgit Bon.1, aliter asurgit V

12 excipit Pius, accipit VC

13 falcis M2, falces V

14 Partiturque V2, Patiturque V

15 premebant T, premebat V

16 molitur vulgo, mollitur V

17 saeuas V, seras C

18 seris V, s(a)euis CM2

19 interregia V, inter egentia C

20 locus immerito suspectus, cf. Verg. Georg. 11 140 sq.

21 Ante diem timet i. e. praetimet, cf. Thes. l. L. II 133, 72 sqq. | circumspicis V (corr. vid. V1)

22 Sola N, Solo M

23 desunt in V uno folio exscisso

24 adfatus Bury, ad fetus MNT, cod. Bon., cod. Burmanni, cf. 646, ad fremitus C, ad fatus Schenkl

25 ignis MNT, cod. Burmanni, ingens T1 Bon.2, igni C

26 nec quae medio M2, quae om.M1, neque quae medio C, medio qu(a)e NT, cod. Bon. (om. nec)

27 nullos M2N, nullus M

28 Ac prior hanc C, Ac prior ac M, Ac prior cod. Bon., Atque prior NT (hanc add. T1)

29 uera M, diua N

30 ut M, et N

31 aversa Gronovius

32 Da M, At N

33 acre M, ecce NT | fecundaque N, facundaque M

34 mali MC, malis NT | labantibus T 1, Sabellicus, labentibus MN T, cod. Bon.

35 alieni C, alienaque MNT, cod. Bon.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Introduction (Otto Kramer, 1913)
load Vocabulary Tool
hide Display Preferences
Greek Display:
Arabic Display:
View by Default:
Browse Bar: