Dixit et opperiens trepidam stetit. illa parumper
virgineo cunctata metu sic orsa vicissim:1
'quem petis Aeeten, genitor meus, ipsaque iuxta
moenia, si vivos2 possis discernere calles:
395hac3 adeo duce ferte gradus; ingentia namque
castra alios aditus atque impius obsidet hostis.'
dixerat haec patriumque4 viam detorquet ad amnem,
sacraque terrificae supplex movet inrita Nocti.
Ille autem inceptum famula duce protinus urget
[p. 121]
400aere saeptus iter, patitur nec regia cerni
Iuno virum, prior Aeetae ne nuntius adsit.
iamque inerat populo mediaeque incognitus urbi,
cum comes orsa loqui. 'Phoebi genitoris ad aras
ventum' ait. 'huc adytis iam se de more paternis
405rex feret; hic proceres audit populosque precantes
adloquiis facilis: praesens pater admonet aequi.'5
Dixerat.6 ast illi propere monstrata capessunt
limina.7 non aliter, quam si radiantis adirent
ora dei verasque aeterni luminis arces:
410tale iubar per8 tecta micat. stat ferreus Atlans
Oceano, genibusque tumens infringitur9 unda;
at medii per terga senis rapit ipse nitentes
altus equos curvoque diem subtexit Olympo;
pone rota breviore soror densaeque sequuntur
415Pliades et madidis rorantes crinibus ignes.
nec minus hinc10 varia dux laetus imagine templi
ad geminas11 fert ora fores cunabula gentis
Colchidos hic ortusque tuens: ut prima Sesostris
intulerit rex bella Getis, ut clade suorum
420territus hos Thebas patriumque reducat ad amnem,
Phasidis hos imponat agris Colchosque vocari
imperet: Arsinoen illi tepidaeque12 requirunt
otia13 laeta Phari pinguemque sine imbribus annum
et iam Sarmaticis permutant carbasa bracis.14
425barbarus in patriis sectatur montibus Aean
Phasis amore furens: pavidas iacit illa15 pharetras
virgineo turbata metu discursibus et iam
deficit, ac volucri victam deus alligat unda.
flebant populeae iuvenem Phaethonta sorores,
[p. 122]
430ater et Eridani trepidum globus ibat in amnem;
at iuga vix Tethys sparsumque recolligit axem
et formidantem patrios Pyroenta dolores.
aurea quin etiam praesaga Mulciber arte
vellera venturosque olim caelarat16 Achivos:
435texitur Argoa pinus Pagasaea securi,
iamque eadem remos, eadem dea flectit habenas;
ipsa17 subit nudaque vocat dux agmina dextra.
exoritur notus et toto18 ratis una profundo
cernitur; Odrysio gaudebant carmine phocae.
440apparent trepidi per19 Phasidis ostia Colchi
clamantemque procul linquens regina parentem.
urbs erat hinc contra gemino circumflua ponto,
ludus ubi et cantus20 taedaeque in nocte iugales
regalique toro laetus gener: ille priorem
445deserit; ultrices spectant a culmine Dirae.
deficit in thalamis turbataque paelice coniunx21
pallam et gemmiferae donum exitiale coronae
apparat ante omnes secum dequesta labores.
munere quo patrias paelex ornatur ad aras
450infelix, et iam rutilis correpta venenis
implicat igne domus.22 haec tum miracula Colchis
struxerat Ignipotens nondum noscentibus, ille23
quis labor, aligeris24 aut quae secet anguibus auras
caede madens; odere tamen visusque reflectunt.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 sic orsa uicorsa uicissim V, corr. M
2 uiuos VC, biuios Heinsius
3 hac Iunt.1 Huc V
4 patriumque M2, patrium V | amnem M2T, omnem V
5 ammouet aequi C
6 huc transposuit Bon.2, post 426 exhibet V | Dixerat M, Adixerat V
7 Limina M, Blimina V
8 per C T1, om. V | atlas M2, atdans V
9 infringitur Pius, infrangitur V
10 hinc Heinsius, hic V
11 Adgeminas M, Adgeminans V
12 tepidaeque Parrhasius, trepidaeque VC | ad requirnnt cf. Aen. I 216 sq.
13 Otia M, Otila V
14 braeis V
15 illa M2, ulla V
16 celarat M, celerat V
17 Ipse C
18 toto C, Sabellicus, torto V
19 per C, om. V
20 et cantus codd. Pii et Harlesii, extantus V, est tantus C
21 coniunx M, coniunxi V
22 domos CM2
23 ille Heinsius, illa V
24 aligeris M, ali
needschecking V (us eras. vid., sed 4–5 litt. spatium relictum）
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.