previous next

Click on a word to bring up parses, dictionary entries, and frequency statistics

Interea auguriis monstrisque minacibus urbem
260territat1 ante monens semper deus et data seri
signa mali; reddi iubet exitiale sacerdos
vellus et Haemoniis infaustum2 mittere terris.
contra Sole satus Phrixi praecepta volutans3
aegro corde negat, nec vulgi cura tyranno,
265dum sua sit modo tuta4 salus. tunc ordine regi
proximus et frater materno sanguine Perses
increpitare virum; sequitur duce turba reperto.
ille furens ira solio se proripit alto
praecipitatque patres ipsumque ut5 talibus ausis
270spem sibi iam rerum vulgi levitate serentem6
ense petit. rapit inde fugam crudelia Perses
signa gerens omnemque quatit rumoribus arcton.
iamque aderat magnis regum7 cum milibus urbi,
primaque in adversos frustratus proelia muros
275constiterat. datus et sociis utrimque cremandis
ille dies alterque dies, cum Marte remisso
debitus Aeaeis8 dux Thessalus adpulit oris.

Nox hominum genus et duros miserata9 labores
rettulerat fessis optata silentia terris.
[p. 117] 280at Iuno et summi virgo Iovis intima secum
consilia et varias10 sociabant pectore curas.
virgo prior 'magna pariter quos mole petamus,
cernis' ait 'Colchos habeant quae proelia, quique
nunc status. hinc Perses, illinc non viribus aequis
285apparat Aeetes aciem. quibus addimur armis?'
cui Iuno 'dimitte metus, ne proelia forte11
hinc tibi grata negem: ... manet aegida12 sudor
et nostros iam sudor equos. stat pectore fixum
Aeetae13 sociare manus. scio perfida regis
290corda quidem; nullos Minyis exsolvet honores.
verum alios tunc ipsa dolos, alia orsa movebo.'
'sint, precor, haec; tua namque mihi comitanda potestas'
Pallas ait, 'liceat Grais ut reddere terris
Aesonium caput et puppem, quam struximus ipsae,
295iactatam tandem nostro componere caelo.'

Talia tunc hominum superi pro laude movebant.
tristior at numquam tantove paventibus ulla
nox Minyis egesta metu; nil quippe reperto
Phaside, nil domitis actum Symplegados undis,
300cunctaque adhuc, magni veniant dum regis ad urbem,
ambigua14 et dubia rerum pendentia summa.
praecipue Aesoniden varios incerta per aestus15
mens rapit undantem curis ac multa moventem.16
qualiter ex alta cum Iuppiter arce coruscat,
305Pliadas ille movens mixtumque sonoribus imbrem
horriferamve nivem, canis ubi tollitur omnis
campus aquis, aut sanguinei17 magna ostia belli
aut alios18 duris fatorum gentibus ortus:
sic tum diversis hinc atque hinc motibus19 anceps
[p. 118] 310pectora dux crebro gemitu quatit, optat et almum20
iam iubar et certi tandem discriminis horas.
tunc defixa solo coetuque intenta silenti
versus ad ora virum 'quod primum ingentibus ausis
optavistis' ait 'veterumque quod horruit aetas,
315adsumus en tantumque fretis enavimus orbem.
nec pelagi nos mille viae nec fama fefellit
Soligenam Aeeten media regnare sub arcto.
ergo ubi lux altum sparget21 mare, tecta petenda
urbis et ignoti mens experienda tyranni.
320adnuet ipse, reor, neque inexorabile22 certe
quod petimus. sin vero preces et dicta superbus
respuerit,23 iam nunc animos firmate repulsae,
quaque via patriis referamus vellera terris,
stet potius: rebus semper pudor absit in artis.'24
325dixerat et Scythicam qui se comitentur ad urbem
sorte petit, numeroque novem ducuntur ab omni.
inde viam qua Circaei plaga proxima campi
corripiunt regemque petunt iam luce reducta.

1 Territat M2 ut vid., Territa V | saevi C

2 infaustum NT, infastum V, infestum C

3 uolutans M uoluntas V

4 tuta M, tua V

5 ipsumque ut Sudhaus, cf. 215, ipsum qui V, ipsum quoque C, ipsum quin Heinsius

6 ferentem C

7 regum C, regnum V

8 Aetheis C

9 miserata Bon.1, mirata V

10 uarias M2, uaria V

11 fortes V

12 hic Baehrens | manet aegid V, manet ingens aegida C, fort. tantus (vel parilis) manet a. s.

13 Aeete M, Aeetes V

14 Ambiguae& V1 (& in ras. t lit.

15 sqq. cf. Hom. II. X 3 sqq.

16 moventem Reuss, nauantem V, nouantem M

17 sanguinei M2 sanguine V

18 alios nonnulli apud Pium, altos VC

19 motibus Heinsius, molibus V

20 almum M2, almam V

21 sparget Bon.2, spargit V

22 inexorabile M2, exorabile V | certe M2, terte V

23 Respuerit M2, Respuent V | firmate M2, firmata V

24 rebus pudor absit in artis habet Par.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Introduction (Otto Kramer, 1913)
load Vocabulary Tool
hide Display Preferences
Greek Display:
Arabic Display:
View by Default:
Browse Bar: