Sol propius flammabat aquas, extremaque fessis
coeperat optatos iam lux ostendere Colchos,
magnus ubi adversum spumanti Phasis in aequor
180ore ruit. cuncti pariter loca debita noscunt
signaque commemorant emensasque1 ordine gentes
dantque ratem fluvio. simul aethere plena corusco
Pallas et alipedum Iuno iuga sistit equorum.
Ac dum2 prima gravi ductor subit ostia pulsu,
185populeos flexus tumulumque virentia supra
flumina cognati medio videt aggere Phrixi,
quem comes infelix Pario3 de marmore iuxta
stat soror, hinc saevae formidine maesta novercae,
inde maris, pecudique timens imponere palmas.
190sistere tum socios iubet atque hinc prima ligari
vincula, ceu Pagasas patriumque intraverit amnem.
ipse gravi patera sacri libamina Bacchi
[p. 114]
rite ferens umbram vocat et sic fatur ad aras:
'per genus atque pares tecum mihi, Phrixe,4 labores
195tu, precor, orsa5 regas meque his tuteris in oris
tot freta, tot durae properantia sidera brumae6
passum.7 Phrixe, fave et patrias reminiscere terras.
tu quoque nunc, tumulo nequiquam condita inani,
adnue diva maris numeroque accede tuorum.
200quando egomet rursus per te vehar?8 aurea quando
Seston et infaustos adgnoscent vellera fluctus
vos etiam silvae, vos Colchidos hospitis orae,
pandite, dives ubi pellis micet9 arbore sacra.
tunc tibi, fecundi proles Iovis, orte nivali
205Arcados axe deae, fluvio modo, Phasi, quieto
Palladiam patiare rate, nec dona nec arae
defuerint tellure mea; reverenda10 fluentis
effigies te, Phasi, manet, quam magnus Enipeus
et pater aurato quantus iacet Inachus antro.'
210dixerat,11 atque illi dextra sine versa magistri
protinus in proram rediit ratis omine certo
fluminis os pontumque tuens. 'promittis ut ecce
utque vocas, revehemur' ait. sic deinde precatus
arma iubet celsa socios depromere puppe.
215dona dehinc Bacchi casusque ut12 firmet in omnes
rapta Ceres, viridesque premunt longo ordine ripas.
Incipe nunc cantus alios, dea, visaque vobis
Thessalici da bella ducis. non mens mihi, non haec
ora satis. ventum ad furias infandaque natae
220foedera et horrenda trepidam sub virgine13 puppem:
[p. 115]
impia monstriferis14 surgunt iam proelia campis.
ante dolos, ante infidi tamen exsequar astus15
Soligenae falli meriti meritique relinqui,
inde canens: Scythica senior iam Solis in urbe
225fata laborati Phrixus compleverat aevi.
illius extremo sub funere mira repente
flamma poli magnoque aries apparuit astro
aequora cuncta movens. at vellera Martis in umbra
ipse sui Phrixus monumentum insigne pericli
230liquerat ardenti quercum complexa metallo.
quondam etiam tacitae visus per tempora noctis
effigie vasta, socerumque exterruit ingens
prodita vox: 'o16 qui patria tellure fugatum
quaerentemque domos his me considere passus
235sedibus, oblata generum mox prole petisti,
tunc17 tibi regnorum labes luctusque supersunt,
rapta soporato fuerint cum vellera18 luco.
praeterea infernae quae nunc sacrata19 Dianae
fert castos Medea choros quemcumque20 procorum
240pacta petat maneat regnis neu21 virgo paternis.'
dixit et admota pariter fatalia visus
tradere terga manu: tum falso fusus ab auro
currere per summi fulgor laquearia tecti.
membra toris rapit ille tremens patriumque precatur
245numen et eoo surgentes litore currus:22
'haec tibi fatorum, genitor, tutela meorum,
omnituens: tua nunc terris, tua lumina23 toto
sparge mari; seu nostra dolos molitur opertos
sive externa manus, primus mihi nuntius esto.
250tu quoque, sacrata rutilant cui vellera quercu,
excubias, Gradive, tene; praesentia luco
[p. 116]
arma tubaeque sonent, vox et tua noctibus exstet.'
vix ea, Caucaseis cum lapsus montibus anguis,24
haud sine mente dei, spiris25 nemus omne refusis
255implicuit Graiumque26 procul respexit ad orbem.
ergo omnes27 prohibere minas praedictaque Phrixi
invigilat,28 plena necdum Medea iuventa
adnuitur thalamis Albani virgo tyranni.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 emensasque M2, e mensas quo V
2 Ac dum M, Actum V
3 Pario Maserius paruo V, paruo C
4 phrixe M, phire V | laboris V
5 orsa Bon.2, ossa V
6 properantia s. brumae Sudhaus, properanti s. passum V, properantia s. passis C
7 passum Sudhaus huc transtulit e v. 196, Phrixe f. et p. r. t. V lacuna non significata, placidus post patrias inseruit C
8 per te uehar C, perteue ara V, ego te r. praetervehar Pius
9 micet C, misceat V
10 reverenda Heinsius, uerenda V, ueneranda MT
11 Dixerat M, Dixit erat V
12 casusque ut Heinsius, casus qui V
13 uirgine V, imagine C
14 monstriferi V
15 artus V
16 o T1 Pius, om. V
17 Tunc M, Tunc V
18 uellera M, uellerea V
19 sq. auris quae vocatur est in membrana, cuius in marginibus hic et in vss. 254–258 nonnullae literae perierunt; manca uncis inclusi: nunc sacrata M, nu..sacrata V
20 quemcumque MT, quecumque V, quaecumque C
21 neu Heinsius, ne V
22 currus M, cursus V
23 lumina MT, limina V
24 anguis M2, angues V
25 dei spiris M, d..s.iris V (cf. 238) | refusis C, refosis V
26 graiumque M, ....umque V | respexit M rexperit V
27 omnes M, ..nes V
28 Inuigilat plena M, Inuigila...ena V
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.