Tum subita resides socios formidine Iason
praecipitat rumpitque moras tempusque timendi.
ipse viros gradiens ad primi litoris undam
prosequitur Phincus. 'quaenam tibi praemia' dixit,
630'quas, decus o Boreae, possem1 persolvere grates?
me Pangaea super rursus iuga meque paterna
stare Tyro dulcesque iterum mihi surgere soles
nunc reor. exactae (verumne?2) abiere volucres,
nec metuam, tutaeque dapes? date tangere vultus,
635dem sinite3 amplexus, propiusque accedite dextrae.'
dixerat. abscedunt terris et litora condunt.
Omnibus extemplo saeva sub imagine rupes
Cyaneae propiorque4 labor. quando adfore quaque
parte putent? stant ora metu nec fessa recedunt
640Iumina diversas circum servantibus undas,
cum procul auditi5 sonitus insanaque saxa,
saxa neque illa viris sed praecipitata profundo
siderei pars visa poli. dumque ocius instant,6
ferre fugam maria ante ratem, maria ipsa repente
645deficere7 adversosque vident discedere montes,
omnibus et gelida rapti formidine remi.
ipse per arma volans et per iuga summa carinae
hortatur supplexque manus intendit Iason
nomine quemque premens. 'ubi nunc promissa superba
[p. 103]
650ingentesque minae, mecum quibus ista secuti?
idem Amyci certe viso timor omnibus antro,8
...
perculerat; stetimus tamen et deus adfuit ausis.
quin iterum idem aderit, credo, deus.' haec ubi fatus,
corripit abiecti remumque locumque Phaleri
655et trahit; insequitur flammata pudore iuventus.
unda laborantes praeceps rotat ac fuga ponti
obvia; miscentur rupes, iamque aequore toto
Cyaneae iuga praecipites inlisa remittunt.
bis fragor infestas cautes adversaque saxis
660saxa dedit, flamma expresso bis fulsit in imbri.
sic ubi multifidus ruptis e nubibus horror
effugit et tenebras nimbosque intermicat ignis
terrificique ruunt tonitrus elisaque noctem
lux dirimit, pavor ora virum, pavor occupat aures:
665haud secus implevit pontum fragor; effluit imber
spumeus et magno puppem procul aequore vestit.
Advertere dei defixaque numina ponto,
quid scopulis praeclusa ratis, quid dura iuventus
expediat; pendet magnis favor ortus ab ausis.
670prima coruscanti signum dedit aegide virgo
fulmineam iaculata facem. vixdum ardua cautes
cesserat, illa volans tenui per concita saxa
luce fugit; rediere9 viris animique manusque,
ut videre viam: 'sequor, o quicumque deorum'
675Aesonides 'vel fallis'10 ait, praecepsque fragores
per medios ruit et fumo11 se condidit atro.
coeperat hinc cedens12 abductis montibus unda
ferre ratem pelagoque dies occurrere aperto.
sed neque permissis iam fundere rector habenis
[p. 104]
680vela, nec eniti remis pote, cum super adsunt
Cyaneae. premit umbra ratem, scopulique feruntur
comminus. hic Iuno13 praecepsque ex aethere Pallas
insiliunt pariter scopulos: hunc nata coercet,
hunc coniunx Iovis; ut valido qui robore tauros
685sub iuga et invito detorquet in ilia cornu.
inde, velut mixtis Vulcanius ardor harenis14
verset aquas, sic ima fremunt, fluctuque coacto
angitur et clausum scopulos super effluit aequor.
contra omnes validis tenui discrimine remis
690pergere iter mediosque ratem transferre per ictus;15
saxa16 sed extremis tamen increpuere corymbis,
parsque (nefas) deprensa iugis; nam cetera caelo
debita. conclamant Minyae, latera utraque quippe
dissiluisse17 putant. fugit ipse novissimus ictus
695Tiphys et e18 mediis sequitur freta rapta ruinis;
nec prius obsessum scopulis respexit ad aequor
aut sociis temptata quies, nigrantia quam iam
litora longinquique exirent flumina Rhebae.19
tunc fessas posuere manus, tunc arida anheli
700pectora, discussa quales formidine Averni
Alcides Theseusque comes pallentia iungunt
oscula, vix primis20 amplexi luminis oris.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 possim Heinsius
2 uerumne V, nam uere C; distinxit O. Seyffert
3 dem sinite Heinsius, Desinite V
4 propiorque M2, propior V
5 auditi Maserius, auditis V, auditur C, auditus M T, cod. Bon.
6 instant T, instat V
7 deficere Burmann, Defigere V, Diffugere C | discedere Sabellicus, descendere V
8 excidit vs. huius fere sententiae: idem animos pelago Zephyris certantibus horror
9 rediere Bon.2 (cf. Stat. Theb. V 4), cecidere VC
10 uel fallis M2T1, cod. regius, uel fallit V, uel fallor C, adfulsit dubitanter Sudhaus cfs. Stat. Theb. V 286 sq.
11 fumo C, fuso V
12 hinc cedens Heinsius, incendens V, incedens C, fort. abductis succedens | abductis Iunt.1, adductis V
13 Iuno Bon.1, om. V
14 cf. Sen. nat. quaest. II 26, 4, II 30
15 ictus Bonl, ictos V
16 Saxa M, Secxa V
17 Disiluisse V
18 e Bon.1, om. V in codd. Bon, et Burmanni
19 Rhebae Bon.2, phoebi V, Rhebi C
20 primas — oras cod. regius, T1
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.