Ilicet ad regem clamor ruit. exilit altis1
somnia dira toris simulacraque pallida linquens2
60Cyzicus. ecce super foribus Bellona reclusis
nuda latus passuque movens orichalca sonoro
adstitit et triplici pulsans fastigia crista
inde ciere3 virum. sequitur per moenia demens
ille deam et fatis4 extrema in proelia tendit,
65qualis in Alciden et Thesea5 Rhoetus iniqui
nube meri geminam Pholoen maioraque cernens
astra ruit, qualisve redit venatibus actis
lustra pater Triviamque canens umeroque Learchum6
advehit, at miserae declinant lumina Thebae.
70iamque adeo nec porta ducem nec pone moratur
excubias sortita manus, quae prima furenti7
advolat; hinc alii subeunt, ut proxima quaeque
intremuit domus et motus accepit inanes.
At Minyas anceps fixit pavor; aegra virorum
75corda labant, nec quae regio aut discrimina cernunt,
cur galeae8 clipeique micent, num pervigil armis
...
[p. 58]
donec et hasta volans immani9 turbine transtris
insonuit monuitque ratem rapere obvia caeca
80arma manu. princeps galeam constringit Iason
vociferans: 'primam bane nati, pater, accipe pugnam
vosque, viri, optatos huc adfore credite Colchos.'
Bistonas in medios ceu Martius exilit astris
currus, ubi ingentes animae clamorque tubaeque
85sanguineae10 iuvere deum, non segnius ille
occupat arva furens; sequitur vis omnis Achivum.
adglomerant latera, et densis thoracibus horrens
stat manus, aegisono quam nec fera pectore11 virgo
dispulerit nec dextra Iovis Terrorque Pavorque,
90Martis equi. sic contextis umbonibus urgent,
caeruleo veluti cum Iuppiter agmine nubem
constituit: certant zephyri frustraque rigentem12
pulsat utrimque notus; pendent mortalia longo
corda metu,13 quibus illa fretis, quibus incidat arvis.
95Hine manus infelix clamore14 impellere magno
saxa facesque15 atras et tortae pondera fundae;
fert sonitus immota phalanx irasque retentant,
congeries dum prima fluat. stellantia16 Mopsus
tegmina et ingentem Corythi notat Eurytus umbram.17
100restitit ille gradu seseque a lumine ferri
sustinuit, praeceps subitum ceu pastor ad amnem,
spumantem18 nimbis fluctuque arbusta ruentem.
at19 Tydeus 'en intentis quem viribus' inquit
'opperiar manibusque dari quem comminus optem;
105quo steteris moriere loco.' subit ilia20 cuspis
Olenii;21 dedit ille sonum compressaque mandens
[p. 59]
aequora purpuream singultibus expulit hastam.
ac velut in medio rupes latet horrida ponto,
quam super ignari numquam rexere magistri
110praecipites impune rates, sic agmine caeco
incurrit strictis manus ensibus. occubat22 Iron
et Cotys et Pyrno melior genitore Bienor.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 altis SM, ab altis V
2 linquens SM, liquens V
3 inde ciere T Bon.1, Indiciere V
4 fatis M, fastis V
5 thesea PM2, these V
6 triuiamque M, triamque V | leaschum V
7 furenti V, parenti C
8 galeae SM, galileae V | post hunc versum unum intercidisse vidit Carrio, qui in marg. C cod. a manu primae aequali scriptum invenit versum hostis et exciti dent obuia praelia Colchi
9 inmanu V
10 Sanguinae V
11 pectore Bon.2, pectora V
12 rigentem SM, rientem V
13 metu SM2, metus V
14 manus M2, munus V | clamore SM, clamor V
15 facesque XM, pacesque V, picesque OQ
16 stellantia M2, stillancia V
17 umbram M2, umbra nunc legitur in V (m fort. plicatura abdita）
18 amnem Spumantem SM, amne Spumante V
19 At C, Et V
20 subit ilia M,r subtilia V
21 Olenii C, Ochenii V
22 occubat Bon.2, occupat V
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.