430Atque Argoa manus variis insignis in armis
ibat agens lectas aurata fronte bidentes.
Delius hic longe candenti veste sacerdos
occurrit ramoque vocat; iamque ipse recenti1
stat tumulo placida transmittens agmina lauro.
435ducit et ad fluvios ac vincula2 solvere monstrat
prima pedum glaucasque3 comis praetexere frondes
imperat, hinc alte Phoebi surgentis ad orbem
ferre manus totisque simul procumbere campis.
tune piceae mactantur oves, prosectaque partim
440pectora, per medios partem gerit obvius Idmon.
ter tacitos egere gradus, ter tristia tangens
arma simul vestesque virum lustramina ponto
pone iacit; rapidis adolentur cetera flammis.
quin etiam truncas nemorum4 effigiesque virorum
445rite locat quercus simulataque subligat arma.
huc Stygias transire minas iramque severi
sanguinis, his orat vigiles incumbere curas
atque ita lustrifico cantu vocat: 'ite, perempti,
ac memores abolete minas;5 sint otia vobis,
450sit Stygiae iam sedis amor; procul agmine nostro
et procul este mari cunctisque absistite bellis.
vos ego nec Graias umquam contendere ad urbes
nec triviis ululare velim, pecorique satisque
nullae ideo pestes nee luctifer ingruat6 annus,
455nec populi nostrive luant ea7 facta minores.'
dixerat, et summas frondentibus intulit aris
libavitque dapes, placidi quas protinus angues,
[p. 71]
umbrarum famuli, linguis rapuere coruscis.
Continuo puppem petere et considere transtris
460imperat Ampycides nee visum vertere terrae:
exciderint quae gesta manu, quae debita fatis.
illi alacres pars arma locant, pars ardua raptis8
insternunt tabulata toris oriturque trementum
remorum sonus et laetae concordia vocis.
465Iuppiter urgentem ceu summa Ceraunia nubem
cum pepulit movitque9 iugis, fulsere repente
et nemora et scopuli nitidusque reducitur aether,
sic animi rediere viris, iamque ipse magister
nutat ab arce ratis remisque obsistere tendit.10
470instaurant primi certamina liber amictu
Eurytus et dictis Talai11 non territus Idas;
inde alii increpitant atque aequora pectore tollunt.
par gemitu pulsuque labor, versumque vicissim
mittitur in puppem remo mare. laetus12 et ipse
475Alcides 'quisnam hos vocat in certamina fluctus?'
dixit et intortis adsurgens arduus undis
percussit subito deceptum fragmine pectus,
atque in terga ruens Talaum fortemque Eriboten
et longe tantae securum Amphiona molis
480obruit inque tuo posuit caput, Iphite, transtro.
Iam summas caeli Phoebus candentior13 arces
vicerat et longas14 medius revocaverat umbras:
tardior hine cessante viro quae15 proxima Tiphys
litora quosque dabat densa trabe Mysia montes
485advehitur. petit excelsas Tirynthius ornos;
haeret Hylas lateri passusque16 moratur iniquos.
[p. 72]
Ilium ubi Iuno poli summo de vertice puppem
deseruisse videt, tempus rata diva nocendi
Pallada consortem curis cursusque regentem,
490nequa inde inceptis fieret mora, fallere prima
molitur caroque dolis avertere fratri.
tum sic adloquitur: 'procerum vi pulsus iniqua
germanique manu (repetis,17 quo crimine) Perses
barbaricas iam movit opes Hyrcanaque signa.
495Aeetes contra thalamis et virgine pacta
conciliate reges Scythicos, primusque coacta
advehit Albana Styrus gener agmina porta.
bellum ingens, atque ipse citis Gradivus habenis
fundit equos. viden Arctoo de cardine18 quanta
500tollat se nubes atque aequore19 pendeat atro?
corripe prima vias; finem cum Phasidis alti
transierit Perses aciemque20 admoverit urbi,
coepta refer paulumque (nefas)21 et foedera necte
consiliis atque arte tua. sponde adfore reges
505dis genitos, quis arma volens, quis agmina iungat.'
at virgo, quamquam insidias aestusque22 novercae
sentiat et blandos quaerentem fingere vultus,
obsequitur tamen et iussas petit ocius oras.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 uocat V, nouat C Pius | recenti M, recentis V
2 fluuiosa cunicula V, corr. Bon.1
3 glaucasque PM2C, glaucaque V
4 nemorum S, nemorumque V; sententia haec est: locat quercus spoliatas fronde et effictas in virorum speciem
5 abolete minas X, abolet animas V, abolete animas II M
6 ingruat OQM2, ingrauat V
7 nostriue luant ea M2T1C, nostri uel antea V
8 raptis e. g. addidi, om. V, celsis C, summis MT, codd. Bon., Burmanni, Coki
9 mouitque M, nouitque V
10 tendit SM, tend V (cetera membrana teguntur）
11 Talai Bon.2, eali V
12 laetus M, lactus V
13 candentior XM, andentior V
14 Vicerat S, Vincerat V | longas S, longasi V
15 duo hemistichia huius sententiae excidisse suspica- tur Sudhaus cessante virum certamine puppis labitur et repetens fessis quae pr.
16 lateri passusque SM, later ipsassusque V
17 repetis Maserius, repetit V
18 cardine Heinsius, carcere V
19 aethere Francius
20 aciemque Bon.2, faciemque V
21 refer Bon.2, refert V | nefas distinxit Sudhaus
22 astusque Bon.2
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.