previous next

Click on a word to bring up parses, dictionary entries, and frequency statistics

Arcem nata petit, quo iam manus horrida matrum
congruerat. rauco fremitu sedere parentum
natorumque locis vacuaeque in moenibus urbis
iura novant; donant1 solio sceptrisque paternis
310ut meritam, redeuntque2 piae sua praemia menti.

Ecce procul validis Lemnon tendentia remis
arma notant; rapitur subito regina tumultu
conciliumque vocat. non illis obvia tela
ferre nec infestos derat furor improbus ignes,
315ni Veneris saevas fregisset Mulciber iras.
tunc etiam vates Phoebo dilecta Polyxo
non patriam, non certa genus, sed maximataetae3
... Proteaque ambiguum Phariis se fingit ab4 antris
huc rexisse vias iunctis5 super aequora phocis;
320saepe imis6 se condit aquis cunctataque paulum
surgit ut auditas referens7 in gurgite voces
'portum demus' ait, 'fatis haec,8 credite, puppis
advenit9 et levior Lemno deus aequore flexit
huc Minyas; Venus ipsa volens dat corpora10 iungi,
325dum vires utero maternaque sufficit aetas.'
dicta placent, portatque preces ad litora Grais11
Iphinoe; nec12 turba nocens, scelerisque13 recentis
signa movent, tollitque loci Cytherea timorem.
... [p. 43] protinus ingentem procerum sub nomine taurum
330deicit, insuetis et iam pia munera templis
reddit, et hac prima Veneris calet14 ara iuvenca.

Ventum erat ad rupem, cuius pendentia nigris
fumant saxa iugis coquiturque vaporibus aer.
substitit Aesonides,15 atque16 hic regina precari
335hortatur causasque docens 'haec antra videtis
Vulcanique' ait 'ecce domos: date vina precesque....
forsitan hoc factum taceat iam fulmen in antro:
nox dabit ipsa fidem, clausae cum murmura flammae,
hospes, et incussae sonitum mirabere massae.'
340moenia tum viresque loci veteresque parentum
iactat17 opes. mediis famulae convivia tectis
expediunt; Tyrio vibrat torus igneus ostro.
stat18 maerens atavos reges regesque maritos
Thressa manus, quaecumque faces timuisse iugales
345credita nec dominae sanctum tetigisse cubile.
iam medium19 Aesonides, iam se regina locavit,
post alii proceres; sacris dum vincitur extis
prima fames, circum pateris it Bacchus, et omnis
aula silet; dapibus coeptis mox tempora fallunt
350noctis et in seras durant sermonibus umbras,
praecipueque ducis20 casus mirata requirit
Hypsipyle, quae fata21 trahant, quae regis agat vis
aut unde Haemoniae molem ratis: unius haeret
adloquio et blandos paulatim colligit ignes
355iam non dura toris Veneri22 nec iniqua reversae,
et deus ipse moras23 spatiumque indulget amori.
[p. 44] Pliada lege poli nimboso moverat astro
Iuppiter aeternum volvens opus, et simul undis
cuncta ruunt, unoque dei24 Pangaea sub ictu
360Gargaraque et maesti steterunt25 formidine luci.
saevior haut alio mortales tempore gentes26
terror27 agit; tune urget enim, tune flagitat iras
in populos Astraea Iovem terrisque relictis
invocat adsiduo Saturnia sidera questu.
365insequitur niger et magnis cum fratribus Eurus
intonat Aegaeo, tenditque ad litora pontus;28
et lunam quarto densam videt imbribus ortu
Thespiades, longus coeptis et fluctibus arcens29
qui30 metus. usque novos divae melioris ad ignis
370urbe sedent laeti Minyae viduisque vacantes
indulgent thalamis nimbosque educere luxu
nec iam velle vias, zephyrosque audire vocantes
dissimulant, donec resides Tirynthius heros
non tulit, ipse rati invigilans31 atque integer urbis:
375invidisse deos tantum maris aequor adortis,
desertasque32 domos, fraudataque tempore segni
vota patrum. quid et ipse viris cunctantibus adsit?
'o miseri quicumque tuis accessimus actis.
Phasin et Aeeten33 Scythicique pericula ponti
380redde' ait 'Aesonide: me tecum solus in aequor
rerum traxit amor, dum spes mihi sistere montes
Cyaneos vigilemque alium spoliare draconem.
si sedet Aegaei scopulos habitare profundi,34
hoc mecum Telamon peraget meus.' haec35 ubi dicta,
[p. 45] 385baud secus Aesonides monitis accensus amaris,
quam36 bellator equus, longa quem frigida37 pace
terra iuvat, †brevisin laevos piger angitur orbes,
frena tamen dominumque velit, si Martius aures
clamor et obliti rursus fragor impleat aeris.
390tune Argum Tiphynque vocat pelagoque38 parari
praecipitat; petit ingenti clamore magister
arma viros pariter sparsosque in litore remos.39

1 nouant donant M, nocant dobant V

2 redeunt (om. que) etiam V

3 magxima taeta
needschecking e V, (caete C

4 phariise ab V, pharii se patris ab C, phariis epatris ab M | la- cunas sic fere supplevit Sudhaus sed maxima iactans munera caelicolum maternaque nomina testans Proteaque a. Phariis se fingit ab a.

5 iunctis SMr, iniunctis V

6 Saepe imis M, Saepimis V

7 referens SM2, reterns V

8 fatis Summers, om. V, ait haec hospita C

9 Aduenit et V, Adueniet C

10 corpora Burmann, tempora V, foedera Mark- land, cf. Stat. Theb. V 138 de eadem re agentem

11 Grais XM, gris V

12 Post 328 lacunam statuit Thilo; fort. etiam post 331 nonnulla desunt

13 scelerisque O2QC, celerisque V | recentis O2 in marg., nocentis VC

14 hac S M, ac V | ueneris M, ueris V | calet Bon.1, caret V

15 aesonides XM, aesomnes V

16 Post 336 vel excidisse vel obliteratam esse sollemnem physicorunz et periegetarum declamationem, interdiu cessare opus Vulcani, increbrescere nocte, testis est 338

17 iactat Bon.1, Iactet V

18 Stat M2, Istat V

19 medium Heinsius, medi V, media S

20 ducis M2, dices V

21 quo fata Heinsius, fort. recte

22 Veneri vulgo, ueneris V

23 moras SM, mora si V

24 dei M, die V

25 maesti steterunt Pius, maestis et erant V

26 mentes Heinsius, sed cf. 363

27 Terror SM, Tertor V, Tortor C

28 tenditque SM, denditque V | pontus M, pondus V

29 arcens Sudhaus, arcent V, arcet C Bon.2

30 Qui V, Quem C Bon.2

31 inuigilans M1 corr., inuigans V

32 Desertasque CMr, Diserti
needschecking sque V | tempore M, tempora V

33 Phasim et oeten M, Phasine tamen V

34 habitare SM, habire V | profundi M2, profundo V

35 haec SM, hae V

36 quem X, quam V

37 frigida ... umbra iuvat, flecti in l. p. ang. o. Sudhaus

38 pelagoque SM, pelago V

39 remos X2 in marg., faemos V

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Introduction (Otto Kramer, 1913)
load Vocabulary Tool
hide Display Preferences
Greek Display:
Arabic Display:
View by Default:
Browse Bar: