This text is part of:
Search the Perseus Catalog for:
Click on a word to bring up parses, dictionary entries, and frequency statistics
820imperia1 et strictos iussis regalibus enses.
in media iam morte senes suffectaque leto
lumina et undanti revomentes2 veste cruorem
conspiciunt; primoque rudem sub limine rerum
te, puer, et visa pallentem3 morte parentum
825diripiunt4 adduntque tuis. procul horruit Aeson
excedens memoremque tulit sub nubibus umbram.
[p. 30] Cardine sub nostro rebusque abscissa5 supernis
Tartarei sedet aula patris, non illa ruenti
accessura polo, victam si volvere molem
830ingenti †iacet6 ore Chaos, quod pondere fessam
materiem lapsumque queat consumere mundum.
hic geminae aeternum portae, quarum altera dura
semper lege patens populos regesque receptat;
ast aliam temptare nefas et tendere contra:
835rara et sponte patet, siquando pectore ductor
vulnera nota gerens,7 galeis praefixa rotisque
cui domus aut studium mortales pellere curas,
culta fides, longe metus atque ignota cupido,
seu venit in vittis castaque in veste sacerdos.
840quos omnes lenis plantis et lampada quassans
progenies Atlantis agit. lucet8 via late
igne dei, donee silvas et amoena piorum
deveniant9 camposque, ubi sol totumque per annum
durat aprica dies thiasique chorique10 virorum
845carminaque et quorum populis iam nulla cupido.
has pater in sedes aeternaque moenia natum
inducitque nurum. tum porta quanta sinistra
poena docet maneat Pelian, quo limine monstrat.
mirantur tantos strepitus turbamque ruentem
850et loca et infernos almae virtutis honores.
1 foribus Heinsius, cf. II 220, sonitus V, sonitu S | ferebat Imperio V, corr. S
2 revomentes Pius, reuomente V
3 pallentem SM, pallantem V
4 Diripiunt Bon.2 (Dirr. Bon.1), Deripiunt V, cf. 813, II 240
5 abscissa C Aid., adcisa V, abscisa Barth
6 iacet V, iuvet vel similia Sudhaus, ut continuentur versus; lacurnam ante hunc vs. suspicati sunt plerique; in marg. C ad supplen- dum vs. 829 hic fuit versus Iuppiter et primae uelit omnia reddere massae.
7 gerens S, marg. add. M1, cerens V
8 lucet SM2, luget V
9 Deueniant S, Daueniant V, Adueniant M
10 chorique XM, chori V
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.