Dixerat. at1 cuncti fremere intus et aequora venti
poscere. tum validam contorto2 turbine portam
610impulit Hippotades. fundunt se carcere laeti
Thraces equi Zephyrusque et3 nocti concolor alas
nimborum cum prole Notus crinemque procellis
hispidus et multa flavus caput Eurus harena;
induxere hiemem raucoque ad litora tractu
615unanimi freta curva ferunt nec sola tridentis
regna movent: vasto pariter ruit igneus aether
cum tonitru piceoque premit nox omnia caelo.
[p. 23]
excussi manibus remi, conversaque frontem
puppis in oblicum resonos latus accipit ictus,4
620vela super tremulum subitus volitantia malum
turbo rapit. qui tum Minyis trepidantibus horror,
cum picei5 fulsere poli pavidamque coruscae
ante ratem cecidere faces, antemnaque laevo
prona dehiscentem cornu cum sustulit undam.
625non hiemem missosque putant consurgere ventos
ignari, sed tale fretum. turn murmure maesto:
'hoc erat inlicitas temerare rudentibus undas
quod nostri timuere patres. vix litore puppem
solvimus, et quanto fremitu se sustulit Aegon.
630hoccine Cyaneae concurrunt aequore cautes?
tristius an miseris superest mare? linquite, terrae,
spem pelagi6 sacrosque iterum seponite fluctus.'
haec iterant segni flentes occumbere leto.
magnanimus spectat pharetras et inutile robur
635Amphitryoniades; miscent suprema paventes
verba alii iunguntque manus atque ora fatigant
aspectu in misero toti,7 cum protinus alnus
solvitur et vasto puppis mare sorbet hiatu.
illam huc atque illuc nunc torquens verberat Eurus,8
640nunc stridens Zephyris aufert Notus; undique fervent
aequora, cum subitus trifida Neptunus in hasta
caeruleum fundo caput extulit. 'hanc mihi Pallas
et soror hanc' inquit 'mulcens mea pectora fletu
abstulerint; veniant Phariae Tyriaeque carinae
645permissumque putent. quotiens mox rapta videbo
vela Notis plenasque malis clamoribus undas.
non meus Orion aut saevus Pliade Taurus
mortis causa novae. miseris tu gentibus, Argo,9
fata paras, nec iam10 merito tibi, Tiphy, quietum
650ulla parens volet Elysium manesque piorum.'
[p. 24]
haec ait et pontum pater ac turbata reponit
litora depellitque Notos, quos caerulus horror
et madido gravis unda sinu longeque secutus
imber ad Aeoliam tendunt simul aequore portam.11
655emicuit reserata dies caelumque resolvit
arcus et in summos redierunt nubila montes.
iam placidis ratis exstat aquis, quam gurgite ab imo
et Thetis et magnis Nereus socer erigit ulnis.12
ergo umeros ductor13 sacro velatur amictu
660Aesoniamque capit pateram, quam munere gaudens
liquerat hospitio pharetrasque rependerat auro
Salmoneus, nondum ille furens, qui14 fingeret alti
quadrifida trabe tela Iovis contraque ruenti15
aut Athon aut Rhodopen maestae nemora ardua Pisae
665aemulus et miseros ipse ureret Elidis16 agros.
hac pelago libat latices et talibus infit:
'di, quibus undarum tempestatisque sonorae
imperium et magno penitus par regia17 caelo,
tuque18 fretum divosque pater sortite biformes,
670seu casus nox ista fuit seu volvitur axis,
ut superum sic claret19 opus, tollique vicissim
pontus habet, seu te subitae nova puppis imago
armorumque hominumque truces consurgere in iras
impulit, haec luerim satis et tua numina, rector,
675iam fuerint meliora mihi. da reddere terris
has animas patriaeque amplecti limina20 portae.
tum quocumque loco meritas21 tibi plurimus aras
pascit honos, ubicumque rotis horrendus equisque22
[p. 25]
stas, pater, atque23 ingens utrimque fluentia Triton
680frena tenet, tantus nostras condere24 per urbes.'
dixerat haec. oritur clamor dextraeque sequuntur25
verba ducis. sic cum stabulis et messibus ingens
ira deum et Calabri26 populator Sirius arvi
incubuit, coit agrestum manus anxia27 priscum
685in nemus, et miseris dictat pia vota sacerdos.
ecce autem molli Zephyros descendere lapsu
aspiciunt; volat immissis cava pinus habenis
infinditque salum et spumas vomit aere tridenti:
Tiphys agit tacitique sedent ad iussa ministri;
690qualiter ad summi solium Iovis omnia circum
prona parata deo, ventique imbresque nivesque
fulguraque et tonitrus et adhuc in fontibus amnes.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 at S, om. V, et M
2 validam contorto Thilo, cf. II 273, IV 452, ualidam contortam V, valido contortam plerique receperunt
3 zephirusque et M zepherusque te V
4 obliquam C | resonat C ut vid. | ictus M, actus V
5 picei Bon.1, picea V
6 pelagi S, pelagis V
7 toti Beck, tota V, in C hic ordo tota in misero
8 eurus X2 >ut vid., M, euros V
9 argo X2N, ergo V
10 iam T, tam V
11 ad Aeoliam t. s. aequore portam Langen, ad aeoliae t. s. aequora porte V, ab aeoliae t. s. aequore portae C
12 ulnis SM, ulnus V
13 ductor X2P, doctor V
14 qui Declerq, cum V
15 ruenti Heinsius, ruente V
16 ureret aelidis X2, urire caelidis V
17 regia MN, regio V
18 Tuque SM, Tu quoque V
19 claret Sud- haus, staret V; cf. Manil. IV 915—921
20 limina S, limine V
21 meritas T, miritis V
22 Pascet Cb (in scho- liis Carr. nihil de C affert) | horrendus equisque NT, horren et equis V
23 Stas SM, Stat VC | atque vulgo, aque V
24 condere Heinsius, concede V
25 dextraeque cod. Harlesii, dextraque VC | sequuntur Pius, sequentuin V
26 calabri M, celabri V
27 anxia V, inscia C
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.