Iamque mero ludoque modus, positique quietis
[p. 12]
295conticuere toris; solus quibus ordine fusis
impatiens somni ductor manet. hunc gravis Aeson
et pariter vigil Alcimede spectantque tenentque
pleni oculos. illis placidi sermonis Iason
suggerit adfatus turbataque pectora mulcet.
300mox, ubi victa gravi ceciderunt lumina1 somno,
visa coronatae fulgens tutela carinae
vocibus his instare duci: 'Dodonida quercum
Chaoniique2 vides famulam Iovis. aequora tecum
ingredior, nec fatidicis avellere silvis
305me nisi3 promisso potuit Saturnia caelo.
tempus adest; age rumpe moras; dumque aequore toto
currimus, incertus si nubila duxerit4 aether,
iam nunc mitte metus5 fidens superisque mihique.'
dixerat. ille pavens, laeto quamquam omine divum,
310prosiluit stratis. Minyas simul optulit omnis
alma novo crispans pelagus Tithonia Phoebo.
discurrunt transtris: hi celso cornua malo
expediunt, alii tonsas in marmore summo
praetemptant, prora funem legit Argus ab alta.6
315Increscunt matrum gemitus et fortia languent
corda patrum; longis flentes amplexibus haerent.
vox tamen Alcimedes planctus super eminet omnis.7
femineis tantum illa furens ululatibus opstat,
obruat8 Idaeam quantum tuba Martia buxum,
320fatur et haec: 'nate9 indignos aditure labores,
dividimur; nec ad hos animum10 componere casus
ante datum, sed bella tibi terrasque timebam.
vota aliis facienda deis. si fata reducunt
[p. 13]
te mihi, si trepidis placabile11 matribus aequor,
325possum equidem lucemque pati longumque timorem.
sin aliud Fortuna parat, miserere parentum,
Mors bona, dum metus est nec adhuc dolor. ei mihi,12 Colchos
unde ego et avecti timuissem vellera Phrixi?
quos iam mente dies, quam saeva insomnia curis
330prospicio. quotiens raucos13 ad litoris ictus
deficiam Scythicum metuens pontumque polumque14
nec de te credam nostris ingrata serenis.
da, precor, amplexus haesuraque verba relinque
auribus et dulci iam nunc preme lumina dextra.'
335talibus Alcimede maeret; sed fortior Aeson
attollens dictis animos: 'o si mihi sanguis,
quantus erat, cum signiferum cratera minantem15
non leviore Pholum16 manus haec compescuit auro,
primus in aeratis posuissem puppibus arma
340concussoque ratem gauderem tollere remo.
sed patriae valuere preces auditaque magnis
vota deis: video17 nostro tot in aequore reges
teque ducem. tales, tales ego ducere suetus
atque sequi. nunc ille dies (det Iuppiter oro),
345ille super, quo te Scythici regisque marisque
victorem atque umeros ardentem vellere rapto
accipiam cedamque tuae mea facta iuventae.'
sic ait. ille suo conlapsam pectore matrem
sustinuit magnaque senem cervice recepit.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 lumina S, luminae V
2 suo loco legitur in C Ald., post 308 in V | Chaoniique X2 C Aid., Hiaionique V
3 me nisi Bon.1 Menesi V
4 structura: mitte metus, si ('ob etwa') .. duxerit, dum currimus
5 metus C, manus V
6 alta N, alto V
7 omnis S, onus V
8 obruat SM, obruad V, obruit Bon.1, sed cf. II 529 III 55, 89 IV 716
9 a nate usque ad vs. 334 dextra habet Par.
10 animum S Par., abimum V
11 placabile Par. X2M, placibile V
12 (h)ei mihi O2 in marg., N, heu mihi Par., amipli V
13 raucos Par. C, paucos V
14 Deficiam scyth. Par. M, Deficiamus cyth. V | pontumque polumque Par. C, potumque cretamque V
15 signiferum cratera (cratẽ M2) minantem CM2, signifera
needschecking cratera
needschecking sinaut
needschecking V
16 Pholum Sabellicus, tholum V, tolum C
17 video T1 Parrhasius, ut deque V (olim ex VIDEQ), ut dent C
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.