This text is part of:
Search the Perseus Catalog for:
Click on a word to bring up parses, dictionary entries, and frequency statistics
Hildebertus Cenomanensis ep. 1.3 (CLXXI. 145 Mign.)
De clementia quoque compendiosa principibus capitula
Seneca evigilavit, in quibus ideo brevitatem dilexit non
obscuram, ut magnis occupatos legere non taederet. Ea
igitur pro te et ad te suscepta suscipe atque recordare,
quae dudum didiceris ex te et per te. Pauca ea sunt :
Clementiae est aliquid ultrici detrahere sententiae.
Quisquis nihil reatus impunitum relinquit, delinquit.
Culpa est totam persequi culpam. Immisericordem
profitetur, cui quicquid licet, libet. ...
Gloriosa virtus est in principe citra punire
quam liceat. Virtus est ad vindictam necessitate
trahi, non voluntate venire. Magnum quid et
divinum sapit offensus clemens. ...
Item : Bonus princeps neminem sine poena punit,
neminem sine dolore proscribit. Bonus princeps ita
crimen insequitur, ut quem punit, hominem reminiscatur. ...
Item : Bonus princeps sibi dominatur, populo
servit, nullius sanguinem contemnit : inimici est,
sed eius, qui amicus fieri potest ; nocentis est, sed
hominis. Cuiuscumque sit, quia non potuit dare,
crimen putat auferre. Ideo quotiens funditur,
confunditur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.