Click on a word to bring up parses, dictionary entries, and frequency statistics
36. Quis pium dicet Aenean, si patriam capi
voluerit, ut captivitati patrem eripiat ? Quis Siculos
iuvenes ut bona liberis exempla monstrabit, si optaverint, ut Aetna immensam ignium vim super solitum ardens et incensa praecipitet datura ipsis occasionem
exhibendae pietatis ex medio parentibus incendio
raptis ?
[2]
Nihil debet Scipioni Roma, si Punicum
bellum, ut finiret, aluit ; nihil Deciis, quod morte
patriam servaverunt, si prius optaverant, ut devotioni
fortissimae locum ultima rerum necessitas faceret.
Gravissima infamia est medici opus quaerere ; multi,
quos auxerant morbos et irritaverant, ut gloria maiore
sanarent, non potuerunt discutere aut cum magna
miserorum vexatione vicerunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.