This text is part of:
Search the Perseus Catalog for:
Click on a word to bring up parses, dictionary entries, and frequency statistics
[22]
T. LIVI. Vixit
tres et sexaginta annos, ut si uis afuisset, ne
[p. 45]
inmatura quidem mors uideri possit. ingenium et
operibus et praemiis operum felix; ipse fortunae diu
prosperae et in longo tenore felicitatis magnis
interim ictus uulneribus, exilio, ruina partium pro
quibus steterat, filiae morte exitu tam tristi atque
acerbo, omnium aduersorum nihil ut uiro dignum
erat tulit praeter mortem, quae uere aestimanti
minus indigna uideri potuit, quod a uictore inimico
nil crudelius passurus erat quam quod eiusdem
fortunae compos uicto fecisset. Si quis tamen
uirtutibus uitia pensaret, uir magnus ac memorabilis
fuit et in cuius laudes exsequendas Cicerone
laudatore opus fuerit. Vt est natura candidissimus omnium
magnorum ingeniorum aestimator T. Liuius, plenissimum
Ciceroni testimonium reddidit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.