This text is part of:
Search the Perseus Catalog for:
Table of Contents:
Seneca novato Senecae Melae
filiis
salutem.
De moribus sit actio. Popillium parricidii reum
Cicero defendit; absolutus est. proscriptum
Ciceronem ab Antonio missus occidit Popillius et
caput eius ad Antonium retulit. accusatur de
moribus.
Thema. Liberi parentes alant, aut uinciantur.
Quidam cum haberet uxorem et ex ea filium,
peregre profectus est. a piratis captus scripsit
de redemptione epistulas uxori et filio. Vxor
flendo oculos perdidit. filium euntem ad
redemptionem patris alimenta poscit; non
remanentem alligari uolt.
Thema: Mortua quidam uxore ex qua filium
habebat, duxit aliam: sustulit ex ea filium. Habebat
procuratorem in domo speciosum. Cum
frequenter essent iurgia nouercae et priuigno,
iussit eum emigrare: ille trans parietem
habitationem conduxit. Rumor erat de adulterio
procuratoris et matris familiae. Quodam
tempore pater familiae in cubiculo occisus inuentus
est, uxor uolnerata, communis paries perfossus;
placuit propinquis quaeri a filio quinquenni,
qui una dormierat, quem
percussorem
cognosceret; ille procuratorem digito denotauit.
accusat filius procuratorem caedis, ille filium
parricidi.
Click on a word to bring up parses, dictionary entries, and frequency statistics
[20] De colore inter maximos et oratores et declamatores disputatum est utrumne aliquid deberet dici in nouercam an nihil. PASSIENVS et ALBVCIVS et praeter oratores magna nouorum rhetorum manus in hanc partem transierunt; fuerunt et qui in nouercam inueherentur; fuerunt et illi qui non quidem palam dicerent, sed per suspiciones et figuras, quam rem non probabat Passienus et aiebat minus uerecundum esse aut tolerabile infamare nouercam quam accusare. Quidam principia tantum habuerunt in sua potestate, deinde ablati sunt impetu. excusatius est autem in malum colorem incidere quam transire. Latro illum introduxit colorem rectum in narratione, quo per totam actionem usus est: non potui occidere. et cum descripsisset ingenti spiritu titubantem et inter cogitationem fratris occidendi concidentem, dixit: nouerca, aliut quaere in priuignum tuum crimen; hic parricidium non potest facere.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.