Click on a word to bring up parses, dictionary entries, and frequency statistics
7. cum haec1 dicerentur audirenturque et deploratum paene Romanum nomen in concilio sociorum fidelium esset, dicitur A. Calavius,2
[2?]
ovi filius, clarus genere factisque, tum etiam aetate verendus, longe aliter se habere rem dixisse:
[3]
silentium illud obstinatum fixosque in terram oculos et surdas ad omnia solacia aures et pudorem intuendae lucis ingentem molem irarum ex alto animi3 cientis indicia esse.
[4]
aut Romana se ignorare ingenia, aut silentium illud Samnitibus flebiles brevi clamores gemitusque excitaturum, Caudinaeque pacis aliquanto Samnitibus quam Romanis tristiorem memoriam fore;
[5]
quippe suos quemque eorum animos habiturum, ubicumque congressuri sint; saltus Caudinos non ubique Samnitibus fore.
[6]
iam Romae etiam4 sua infamis clades erat.
[p. 186]
obsessos primum audierunt; tristior deinde ignominiosae5 pacis magis quam periculi nuntius fuit.
[7]
ad famam obsidionis dilectus haberi coeptus erat; dimissus
deinde auxiliorum apparatus, postquam deditionem
tam foede factam acceperunt, extemploque sine ulla
publica auctoritate consensum in omnem formam
luctus est.
[8]
tabernae circa forum clausae, iustitiumque in foro sua sponte coeptum prius quam indictum;
lati clavi, anuli aurei positi;
[9]
paene maestior exercitu
ipso civitas esse; nec ducibus solum atque auctoribus
sponsoribusque pacis irasci sed innoxios etiam milites
odisse et negare urbe tectisve accipiendos.
[10]
quam
concitationem animorum fregit adventus exercitus
etiam iratis miserabilis. non enim tamquam in patriam revertentes ex insperato incolumes sed
[11?]
captorum habitu voltuque ingressi sero in urbem ita se in
suis quisque tectis abdiderunt ut postero atque
insequentibus diebus nemo eorum forum aut publicum aspicere vellet.
[12]
consules in privato abditi nihil
pro magistratu agere, nisi quod expressum senatus
consulto est ut dictatorem dicerent comitiorum
causa.
[13]
Q. Fabium Ambustum dixerunt et P. Aelium
Paetum6 magistrum equitum;
[14]
quibus vitio creatis [p. 188]
suffecti M. Aemilius Papus dictator. L. Valerius7 Flaccus magister equitum. nec per eos comitia habita; et quia taedebat populum omnium magistratuum eius anni, res ad interregnum rediit.
[15]
interreges Q. Fabius Maximus M. Valerius Corvus. is consules creavit Q. Publilium Philonem tertium8 et L. Papirium Cursorem iterum haud dubio consensu civitatis, quod nulli ea tempestate duces clariores essent.
1 A.U.C. 434
2 A. Calavius Conway: Ofillius (or Ofilius) A. Calauius (or acalauius or accilauius or other corruptions) ω.
4 Romae etiam drakenborch: Romae et ω. Romae & M.
5 A.U.C. 434
6 Aelium Paetumς: ae (e-) milium paetum ω.
7 A.U.C. 434
8 Q. Publilium Philonem tertium glareanus: Q. Publilium Philonem ω.
Livy. Books VIII-X With An English Translation. Cambridge. Cambridge, Mass., Harvard University Press; London, William Heinemann, Ltd. 1926: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.