Click on a word to bring up parses, dictionary entries, and frequency statistics
11. insequenti anno A. Manlio P. Cornelio T. et1 L. Quinctiis Capitolinis L. Papirio Cursore iterum
C. Sergio2 iterum3 tribunis consulari potestate grave bellum foris,
[2?]
gravior domi seditio exorta, bellum ab Volscis adiuncta Latinorum atque Hernicorum defectione, seditio, unde minime timeri
potuit, a patriciae gentis viro et inclitae famae,
M. Manlio Capitolino.
[3]
qui nimius animi cum alios
principes sperneret, uni invideret, eximio simul
honoribus atque virtutibus, M. Furio, aegre ferebat
solum eum in magistratibus,
[4?]
solum apud exercitus4 tantum iam eminere ut iisdem auspiciis creatos non pro collegis sed pro ministris habeat, cum interim, si quis vere aestimare velit, a M. Furio recuperari
patria ex obsidione hostium non potuerit, nisi a se
prius Capitolium atque arx servata esset;
[5]
et ille
inter aurum accipiendum et in spem pacis solutis
animis Gallos adgressus sit, ipse armatos capientesque arcem depulerit; illius gloriae pars virilis
apud omnes milites sit qui simul vicerint, suae
victoriae neminem omnium mortalium socium esse
constet.5
[6]
his opinionibus inflato animo, ad hoc [p. 232] vitio quoque ingenii vehemens et impotens,6 postquam inter patres non quantum aequum censebat excellere suas opes animadvertit,
[7?]
primus7 omnium ex patribus popularis factus cum plebeiis magistratibus consilia communicare; criminando patres, alliciendo ad se plebem iam aura,8 non consilio ferri famaeque magnae malle quam bonae esse.
[8]
et non contentus agrariis legibus, quae materia semper tribunis plebi seditionum fuisset, fidem9 moliri coepit: acriores quippe aeris alieni stimulos esse, qui non egestatem modo atque ignominiam minentur sed nervo ac vinculis corpus liberum territent.
[9]
et erat aeris alieni magna vis re10 damnosissima etiam divitibus, aedificando, contracta. bellum itaque Volscum, grave per se, oneratum Latinorum atque Hernicorum defectione, in speciem causae iactatum ut maior potestas quaereretur;
[10]
sed nova consilia Manli magis compulere senatum ad dictatorem creandum. creatus A. Cornelius Cossus magistrum equitum dixit T. Quinctium Capitolinum.
1 A.U.C. 369
2 iterum C. Sergio added by Glareanus and Sigonius from chap. v. § 7 and chap. xxvii. § 2.
3 iterum A2 or A4: ii ω: duobus M3OE: u L: iii H: iis U.
4 solum apud exercitus Madvig: solum apud exercitus esse ω.
5 esse constet harant: esse ω.
6 A.U.C. 369
7 primus U'ς tan. Faber: primu' U: primo O: primum ω.
8 plebem iam auram vorm.? MHTD: plebem iam auriam L.: plebeiā auria A: plebeiam auram P2 (plebeiam P) FUBOET2D3A2.
9 fidem Sigonius (after Faernus): idem (or Idem) ω: omitted by A.
Livy. Books V, VI and VII With An English Translation. Cambridge. Cambridge, Mass., Harvard University Press; London, William Heinemann, Ltd. 1924: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.