Click on a word to bring up parses, dictionary entries, and frequency statistics
10. victoriae Romanae fama cum pervasisset in
Asiam, Antenor, qui cum classe lemborum ad Phanas
stabat, Cassandriam inde traeicit.
[2]
-C. Popilius, qui
ad Delum1 in praesidio navibus Macedoniam petentibus erat, postquam debellatum in Macedonia et statione summotos hostium lembos audivit,
dimissis et ipse Attali2 navibus ad susceptam legationem peragendam navigare Aegyptum pergit,
[3?]
ut prius occurrere Antiocho posset quam ad Alexandreae
moenia accederet.
[4]
cum praeterveherentur Asiam
legati et Loryma3 venissent, qui portus viginti paulo amplius milia ab Rhodo abest, ex adverso urbi ipsi [p. 274]
positus,
[5?]
principes Rhodiorum occurrunt—iam enim4 eo quoque victoriae fama perlata erat—orantes, ut Rhodum deveherentur: pertinere id ad famam salutemque civitatis, noscere ipsos omnia quae acta essent quaeque5 agerentur Rhodi, et comperta per se, non volgata fama Romam referre.
[6]
diu negantes pepulerunt, ut moram navigationis brevem pro salute sociae urbis paterentur. postquam Rhodum ventum est, in contionem quoque eos iidem precibus pertraxerunt.
[7]
adventus legatorum auxit potius timorem civitati quam minuit; omnia enim Popilius quae
singuli universique eo bello hostiliter dixerant
fecerantque rettulit,
[8?]
et vir asper ingenio augebat
atrocitatem eorum quae dicerentur voltu truci et
accusatoria voce,
[9?]
ut, cum propriae simultatis nulla
causa cum civitate ei6 esset, ex unius senatoris Romani acerbitate, qualis in se universi senatus animus esset, coniectarent.
[10]
C. Decimi moderatior oratio fuit,7 qui in plerisque
eorum quae commemorata a Popilio essent culpam
non penes populum, sed penes paucos concitores volgi
esse dixit:
[11]
eos venalem linguam habentis decreta
plena regiae adsentationis fecisse et eas legationes
misisse, quarum Rhodios semper non minus puderet
quam paeniteret. quae omnia, si sana mens8 populo foret, in capita noxiorum versura.
[p. 276]
cum magno adsensu auditus est,
[12]
non magis eo9 quod multitudinem noxa levabat quam quod culpam in auctores verterat.
[13]
itaque cum principes Rhodiorum Romanis responderent, nequaquam tam10 grata oratio eorum fuit qui quae Popilius obiecerat diluere utcumque conati sunt, quam eorum qui Decimio in auctoribus ad piaculum noxae obiciendis adsensi sunt.
[14]
decretum igitur extemplo ut qui pro Perseo adversus
Romanos dixisse quid aut fecisse convincerentur,
capitis11 condemnarentur. excesserant12 urbe sub adventum13 Romanorum quidam, alii mortem sibi consciverunt.
[15]
legati non ultra quam quinque dies Rhodi morati Alexandream proficiscuntur. nec eo segnius iudicia ex decreto coram iis14 facto Rhodii exercebant;15 quam perseverantiam in exsequenda re tam Decimi lenitas quam Popili effecerat asperitas.16
1 ad Delum Fr: delun V.
2 Attali sive Attalicis luterbacher: adticis V: Asiaticis Harant: adventiciis Madvig.
3 Loryma Fr: loriam V.
4 A.U.C. 586
5 quaeque Madvig: q. V.
6 civitate ei Harant: civitates V.
7 coniectarent. C. Decimi moderatior oratio fuit, qui Fr: coniectarentur cum Decimi moderatio fuitque V.
8 sana mens Weissenborn: tamen V.
9 A.U.C. 586
10 tam doering:tamentam V.
11 Capitis Fr: faciliscapitis C.
12 excesserant Madvig: excesserunt V.
13 adventum bas: adventu V.
14 iis Wesenberg: hi V.
15 facto Rhodii exercebant vahlen: facti Rhodii exercebantur V.
16 perseverantiam in exsequenda re tam Decimi lenitas quam Popili effecerat asperitas H. J. Müller: perseverabant tam in exsequenda re tam Decimae lenitas quam V.
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.