Click on a word to bring up parses, dictionary entries, and frequency statistics
14. dum bellum in Macedonia geritur, legati
transalpini ab regulo Gallorum—Balanos ipsius
traditur nomen; gentis ex qua fuerit, non traditur—
Romam venerunt pollicentes ad Macedonicum bellum
auxilia.
[2]
gratiae ab senatu actae muneraque missa,
torquis aureus duo pondo et paterae aureae quattuor
pondo, equus1 phaleratus armaque equestria.
[3]
secundum Gallos Pamphylii legati coronam auream ex viginti milibus Philippeorum factam in curiam
[p. 134]
intulerunt, petentibusque iis, ut id donum in cella Iovis2 optimi maximi ponere et sacrificare in Capitolio liceret, permissum;
[4]
benigneque amicitiam renovare
volentibus3 legatis responsum et binum milium aeris singulis missum munus.
[5]
tum ab rege Prusia et paulo post ab Rhodiis de
eadem re4 longe aliter disserentes legati auditi sunt.
[6]
utraque legatio de pace reconcilianda cum rege
Perseo egit. prusiae preces magis quam postulatio
fuere, profitentis et ad id tempus se cum Romanis
stetisse et, quoad bellum foret, staturum;
[7]
ceterum
cum ad se a Perseo legati venissent de finiendo cum
Romanis bello, eis5 pollicitum deprecatorem apud senatum futurum; petere, si possent inducere in animum ut finiant iras, se6 quoque in gratia reconciliatae pacis ponerent.7
[8]
haec regii legati. Rhodii superbe commemoratis meritis suis8 erga populum Romanum et paene victoriae, utique de Antiocho rege, maiore parte ad se vindicata, adiecerunt:
[9]
cum pax inter Macedonas Romanosque esset, sibi amicitiam cum rege Perseo coeptam; eam se invitos, nullo eius in se merito, quoniam ita Romanis visum sit in societatem se belli trahere, interrupisse.
[10]
tertium
[p. 136]
se annum multa eius incommoda belli sentire mari9 intercluso; inopem insulam esse nec, nisi maritimis iuvetur commeatibus, colendam.
[11]
itaque cum10 id ultra pati non possent, legatos alios ad Persea in Macedoniam misisse qui ei denuntiarent Rhodiis
placere pacem eum componere cum Romanis; se
Romam eadem nuntiatum missos.
[12]
per quos stetisset
quo minus belli finis fieret, adversus eos quid sibi
faciendum esset, Rhodios consideraturos esse.
[13]
ne11 nunc quidem haec sine indignatione legi audirive posse certum habeo; inde existimari potest, qui habitus animorum audientibus ea patribus fuerit.
1 equus Fr: cui V.
2 A.U.C. 585
3 volentibus Fr: novantibus V.
4 re add. Fr: om. V.
5 eis novák: etis V.
6 iras se forchhammer: ira se V.
7 ponerent J. F. Gronovius: possent V.
8 meritis suis add. Madvig: om. V.
9 A.U.C. 585
10 mari intercluso; inopem insulam esse, nec nisi maritimis iuvetur commeatibus colendam. itaque cum novák: mari intercluso; incultam insulam inopem esse, nisi maritimis iuvetur contributisque commeatibus. cum gitlbauer: mari interim incluso inopiam insulam inopen misso .. ritimis iuuetur colendi itaque commeatibus cum V.
11 ne add. Fr: om. V.
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.