Click on a word to bring up parses, dictionary entries, and frequency statistics
19. Perseus praesidio Uscanae imposito
[p. 68]
multitudinem omnem deditorum, quae prope numero1 exercitum aequabat, Stuberram abducit.
[2]
ibi
Romanis - quattuor milia autem hominum erant -
praeter principes in custodiam civitatum2 divisis, Uscanensibus Illyriisque venditis, in Penestas3 exercitum reducit ad Oaeneum4 oppidum in potestatem redigendum,
[3?]
et alioqui opportune situm et transitus ea est in Labeates, ubi Gentius regnabat.
[4]
praetereunti frequens castellum, Draudacum nomine, peritorum quidam regionis eius nihil Oaeneo5 capto opus esse ait, nisi in potestate et Draudacum sit; opportunius etiam ad omnia positum esse.
[5]
admoto exercitu omnes6 extemplo dediderunt sese. ad7 quam spe celeriorem deditionem8 erectus, postquam animadvertit quantus agminis sui terror esset, undecim alia castella eodem metu in potestatem redigit.
[6]
ad perpauca vi opus fuit, cetera voluntate dedita; et in his recepti mille et quingenti dispositi per praesidia milites Romani.
[7]
magno usui Carvilius Spoletinus erat in colloquiis dicendo nihil in ipsos saevitum. deinde9 Oaeneum perventum est, quod sine iusta oppugnatione capi non poterat. [p. 70] et maiore aliquanto quam cetera iuventute et10 validum oppidum moenibus erat,
[8?]
et hinc amnis Artatus nomine, hinc mons praealtus et aditu difficilis cingebat.
[9]
haec spem ad resistendum oppidanis dabant. Perseus circumvallato oppido aggerem a parte superiore ducere instituit, cuius altitudine muros superaret.
[10]
quod opus dum perficitur, crebris interim proeliis, quibus per excursiones et moenia sua oppidani tutabantur et opera hostium impediebant, magna eorum multitudo variis casibus absumpta est, et qui supererant labore diurno nocturnoque et11 volneribus inutiles erant.
[11]
ubi primum agger iniunctus muro est, et cohors regia, quos Nicatoras appellant, transcendit et scalis multis simul partibus impetus in urbem est factus.
[12]
puberes omnes interfecti sunt; coniuges liberosque eorum in custodiam dedit; praedae alia militum cessere.
[13]
Stuberram inde victor revertens ad Gentium12 legatos Pleuratum illyrium, exulantem apud se, et Adaeum13 Macedonem a Beroea14 mittit;
[14]
iis mandat, ut exponerent aestatis eius hiemisque acta [p. 72] sua adversus Romanos Dardanosque; adicerent15 16 recentia in Illyrico hibernae expeditionis opera; hortarentur Gentium in amicitiam secum et cum Macedonibus iungendam.
1 A.U.C. 585
2 civitatum Fr: civitatem V: civitatium Giarratano, “post alios ex usu Liviano.”
3 in Penestas heraeus: inpeneinpesiam V: in Penestiam Fr.
4 Oaeneum Fr: eoeneum V.
5 Oaeneo Fr: oaeneon V.
6 omnes Fr: omne V.
7 ad add. Harant: om. V.
8 deditionem Fr: deditiorē V.
9 Deinde H. J. Müller: aeide V: ad Fr.: Indead Duker.
10 A.U.C. 585
11 et add. Fr: om. V.
12 ad Gentium Fr: augentium V.
13 Adaeum valesius: aputeum V.
14 a Beroea Fr: abeuroea V.
15 hiemisque acta sua adversus Romanos Dardanosque; adicerent Fr: hiemisquaesuaeac tasuaaduersusromanosuardanos queactasuaaduersusadicerent V.
16 A.U.C. 585
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.