Click on a word to bring up parses, dictionary entries, and frequency statistics
46. Perseus, cum ab1 colloquio Romanorum in Macedoniam recepisset sese, legatos Romam
de incohatis2 cum Marcio condicionibus pacis misit; et Byzantium et Rhodum et . . .3 legatis ferendas dedit.
[2]
in litteris eadem sententia ad omnes erat, collocutum se cum Romanorum legatis; quae audisset quaeque dixisset, ita disposita, ut superior
fuisse in disceptatione videri posset.
[3]
apud Rhodios
legati adiecerunt4 confidere pacem futuram; auctoribus enim Marcio atque Atilio missos Romam legatos.5 si pergerent Romani contra foedus movere bellum, tum omni gratia, omni ope6 nitendum fore Rhodiis ut reconcilient pacem;
[4]
si nihil deprecando proficiant, id agendum, ne omnium rerum ius ac potestas ad unum populum perveniat. cum ceterorum id interesse, tum praecipue Rhodiorum, quo7 plus inter [p. 430] alias civitates dignitate atque opibus excellant;8 quae serva atque obnoxia fore, si9 nullus alio sit quam ad Romanos respectus.
[5]
magis et litterae et verba legatorum benigne sunt audita quam momentum ad mutandos animos habuerunt; potentior esse partis melioris auctoritas coeperat.
[6]
responsum ex decreto est optare pacem Rhodios; si bellum esset, ne quid ab Rhodiis speraret aut peteret rex, quod veterem amicitiam, multis magnisque meritis pace belloque partam, diiungeret sibi ac10 Romanis.
[7]
Ab Rhodo redeuntes Boeotiae quoque civitates, et Thebas et Coroneam et Haliartum, adierunt, quibus expressum invitis existimabatur ut relicta regia societate Romanis adiungerentur.
[8]
thebani nihil moti sunt, quamquam11 et damnatis principibus et restitutis exulibus suscensebant Romanis.
[9]
coronaei et Haliartii, favore quodam insito in reges, legatos in Macedoniam miserunt praesidium petentes, quo se adversus impotentem superbiam Thebanorum tueri possint.
[10]
cui legationi responsum ab rege est, praesidium se propter indutias cum Romanis factas mittere non [p. 432] posse; tamen ita suadere ab12 Thebanorum iniuriis13 qua possent ut se vindicarent, ne Romanis praeberent causam in se saeviendi.
1 ab kreyssig: ad V.
2 de incohatis Fr.: deincohortis V.
3 lacunam indicant edd. fere universi.
4 adiecerunt Novák: assederunt V.
5 Romam legatos Fr.: romanos V.
6 ope Fr.: opepe V.
7 quo Crévier: qui V.
8 A.U.C. 582
9 fore si Fr.: fores V.
10 ac Madvig: ab V.
11 quamquam Novák: et quamquam nihil V.
12 ab kreyssig: ad V.
13 A.U.C. 582
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.