Click on a word to bring up parses, dictionary entries, and frequency statistics
44. Chalcidem ut ventum est, aliarum civitatium principes, id quod maxime gratum erat Romanis,
suo quique1 proprio decreto regiam2 societatem aspernati Romanis se adiungebant; Ismenias gentem Boeotorum in fidem Romanorum permitti aequum
censebat.
[2]
inde certamine orto, nisi in tribunal
legatorum perfugisset, haud multum afuit quin ab
exulibus fautoribusque eorum interficeretur.
[3]
thebae
quoque ipsae, quod Boeotiae caput est, in magno
motu3 erant, aliis ad regem trahentibus civitatem, [p. 424]
[4]
aliis ad Romanos; et turba Coronaeorum Haliartiorumque convenerat ad defendendum decretum regiae
societatis. sed constantia principum docentium
cladibus Philippi Antiochique, quanta esset vis et
fortuna imperii Romani, victa tandem4 multitudo et, ut tolleretur regia societas decrevit, et eos, qui auctores paciscendae amicitiae fuerant, ad satisfaciendum legatis Chalcidem misit fideique legatorum commendari civitatem iussit.
[5]
Thebanos Marcius et Atilius laeti audierunt auctoresque et his et5 separatim singulis fuerunt ad renovandam amicitiam mittendi Romam legatos.
[6]
ante omnia exules restitui iusserunt et auctores regiae societatis decreto suo damnarunt. ita, quod maxime volebant, discusso Boeotico concilio in Peloponnesum6 proficiscuntur Ser.
[7]
Cornelio Chalcidem accersito.7 argis8 praebitum est iis concilium; ubi nihil9 aliud a gente Achaeorum petierunt quam ut mille milites darent.
[8]
id praesidium ad Chalcidem tuendam, dum Romanus exercitus in Graeciam traiceretur, missum est. Marcius et Atilius peractis quae agenda in Graecia erant principio hiemis Romam redierunt. [p. 426]
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.