Click on a word to bring up parses, dictionary entries, and frequency statistics
5. consul iam munimentis quibus saepienda1 urbs erat, iam operibus, quae admovere muris
parabat, perfectis quinque simul locis moenia est
aggressus.
[2]
tria paribus intervallis, faciliore2 aditu a campo, adversus Pyrrheum quod vocant admovit, unum e regione Aesculapii, unum adversus arcem.
arietibus muros quatiebat;
[3]
asseribus falcatis detergebat pinnas. oppidanos primo et ad speciem
[p. 16]
et ad ictus moenium cum terribili sonitu editos3 4 pavor ac trepidatio cepit; deinde,
[4?]
ut praeter spem stare muros viderunt, collectis rursus animis in arietes tollenonibus libramenta5 plumbi aut saxorum stipitesve6 robustos incutiebant; falces ancoris ferreis iniectis in interiorem partem muri trahentes asserem praefringebant;
[5]
ad hoc eruptionibus et7 nocturnis in custodias operum et diurnis in stationes ultro terrorem inferebant.
[6]
in hoc statu res ad Ambraciam cum essent, iam
Aetoli a populatione Acarnaniae Stratum redierant.8 inde Nicander praetor spem nactus solvendae9 incepto forti obsidionis, Nicodamum quendam cum Aetolis quingentis Ambraciam intromittit.
[7]
noctem certam
tempusque etiam noctis constituit, quo et illi ab urbe
opera hostium10 quae adversus Pyrrheum erant aggrederentur, et ipse ad castra Romana terrorem faceret, posse ratus ancipiti tumultu et nocte augente pavorem memorabilem rem geri.
[8]
et Nicodamus
intempesta nocte, cum alias custodias fefellisset,
per11 alias impetu constanti perrupisset,12 superato brachio in urbem penetrat, animique aliquantum13 ad omnia audenda et spei obsessis adiecit et, simul constituta nox venit, ex composite repente opera est aggressus.
[9]
id inceptum conatu quam effectu [p. 18] gravius fuit, quia nulla ab exteriore parte vis admota14 est,15
[10]
seu metu deterrito praetore Aetolorum, seu quia potius visum est Amphilochis nuper receptis ferre opem, quos Perseus, Philippi filius, missus ad Dolopiam Amphilochosque recipiendos,16 summa vi oppugnabat.
Livy. Books XXXVIII-XXXIX with an English Translation. Cambridge. Cambridge, Mass., Harvard University Press; London, William Heinemann, Ltd. 1936: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.