Titus Livius (Livy), The History of Rome, Book 38
Evan T. Sage, Ph.D., Ed.

36. de exercitibus ita placuit: ex Gallia legiones quae sub C. Laelio fuerant ad M. Tuccium propraetorem in Bruttios traduci, [2?] et qui in Sicilia esset dimitti exercitum, et classem quae ibi esset Romam reduceret M. Sempronius propraetor. [3] Hispaniis singulae legiones quae tum in iis provinciis erant decretae,¹ et ut terna milia peditum, ducenos equites ambo praetores in supplementum sociis [p. 118] imperarent secumque transportarent. [4] priusquam in² provincias novi magistratus proficiscerentur, supplicatio triduum pro collegio decemvirorum imperata fuit in omnibus compitis, quod luce inter horam tertiam ferme et quartam tenebrae obortae fuerant. et novemdiale sacrificium indictum est, quod in Aventino lapidibus pluvisset.

[5] campani, cum eos ex senatus consulto quod priore anno factum erat censores Romae censeri coegissent—nam antea incertum fuerat³ ubi censerentur—petierunt ut sibi cives Romanas ducere uxores liceret et, [6?] si qui prius duxissent,⁴ ut habere eas et nati ante eam diem uti iusti sibi liberi heredesque essent. [7] utraque res impetrata. de Formianis Fundanisque municipibus et Arpinatibus C. Valerius Tappo tribunus plebis promulgavit ut iis suffragii latio— nam antea sine suffragio habuerant⁵ civitatem— esset. [8] huic rogationi quattuor tribuni plebis,⁶ quia non ex auctoritate senatus ferretur, cum intercederent, edocti populi esse, non senatus, ius suffragium quibus velit impertire, destiterunt incepto. [p. 120] [9] rogatio perlata est ut in Aemilia tribu Formiani et⁷ Fundani, in⁸ Cornelia Arpinates ferrent; atque in his tribubus⁹ tum primum ex Valerio plebiscito censi sunt. [10] M. Claudius Marcellus censor sorte¹⁰ superato T. Quinctio lustrum condidit. censa sunt civium capita CCLVIII CCCXVIII. Lustro perfecto consules in provincias profecti sunt.