Click on a word to bring up parses, dictionary entries, and frequency statistics
32. id ubi legati ad Achaeos rettulerunt,
omnium civitatium quae eius concilii erant consensu
bellum Lacedaemoniis indictum est. ne extemplo
gereretur hiems impediit;
[2]
incursionibus tamen
parvis, latrocinii magis quam belli modo, non terra
[p. 106]
tantum sed etiam navibus a mari fines eorum vastati.1
[3]
hic tumultus consulem Peloponnesum adduxit,
iussuque eius Elin concilio indicto Lacedaemonii ad
disceptandum acciti.
[4]
Magna ibi non disceptatio
modo sed altercatio fuit, cui consul, cum alia satis
ambitiose partem utramque fovendo incerta respondisset, una denuntiatione ut bello abstinerent,
donec Romam ad senatum legatos misissent,2 finem imposuit.
[5]
utrimque legatio missa Romam est. exules quoque Lacedaemoniorum suam causam
legationemque Achaeis iniunxerunt.
[6]
diophanet et
Lycortas, Megalopolitani ambo, principes legationis
Achaeorum fuerunt qui, dissidentes in re publica,
tum quoque minime inter se convenientes orationes
habuerunt.
[7]
diophanet senatui disceptationem omnium rerum permittebat: eos optime controversias
inter Achaeos ac Lacedaemonios finituros esse;
[8]
Lycortas ex praeceptis Philopoemenis postulabat ut
Achaeis ex foedere ac legibus suis quae decressent
agere liceret, libertatemque sibi illibatam, cuius ipsi
auctores essent, praestarent.
[9]
Magnae auctoritatis
apud Romanos tum gens Achaeorum erat; novari
tamen nihil de Lacedaemoniis placebat. ceterum
responsum ita perplexum fuit ut et Achaei sibi de
Lacedaemone permissum acciperent,
[10?]
et
[p. 108]
Lacedaemonii non omnia concessa iis interpretarentur. hac3 potestate immodice Achaei ac superbe usi sunt. Philopoemeni continuatur magistratus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.