Click on a word to bring up parses, dictionary entries, and frequency statistics
8. Antiochus post navalem ad Corycum pugnam cum totam hiemem liberam in apparatus terrestres maritimosque habuisset, classi maxume reparandae, ne tota maris possessione pelleretur, intentus
fuerat.
[2]
succurrebat superatum se, cum classis
afuisset Rhodiorum; quodsi ea quoque—nec commissuros Rhodios, ut iterum morarentur—certamini
adesset, magno sibi navium numero opus fore, ut
viribus et1 magnitudine classem hostium aequaret.
[3]
itaque et Hannibalem in Syriam miserat ad Phoenicum accersendas naves, et Polyxenidam, quo minus
prospere res gesta erat, eo enixius et eas, quae
erant, reficere et alias parare naves iussit.
[4]
ipse in
Phrygia hibernavit undique auxilia accersens. etiam
in Gallograeciam miserat; bellicosiores ea tempestate erant, Gallicos adhuc, nondum exoleta stirpe
gentis, servantes animos.
[5]
filium Seleucum in Aeolide reliquerat cum exercitu ad maritimas
[p. 314]
continendas2 urbes, quas illinc a Pergamo Eumenes,3 hinc a Phocaea Erythrisque Romani sollicitabant.
[6]
classis Romana, sicut ante dictum est, ad Canas hibernabat; eo media ferme hieme rex Eumenes
cum duobus4 milibus peditum, equitibus quingentis venit.
[7]
is cum magnam praedam agi posse dixisset ex agro hostium, qui circa Thyatiram esset, hortando perpulit Livium, ut quinque milia militum secum mitteret. missi ingentem praedam intra paucos dies
averterunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.