Click on a word to bring up parses, dictionary entries, and frequency statistics
4. L. Cornelius consul peractis quae Romae
agenda erant, pro contione edixit ut milites, quos
ipse in supplementum scripsisset, quique in Bruttiis
cum A. Cornelio propraetore essent, ut hi omnes idibus Quinctilibus Brundisium convenirent.
[2]
item tres
legatos nominavit, Sex. digitium L. Apustium C.
Fabricium Luscinum, qui ex ora maritima undique
naves Brundisium contraherent; et omnibus iam
paratis paludatus1 ab urbe est profectus.
[3]
ad quinque milia voluntariorum, Romani sociique, qui
emerita stipendia sub imperatore P. Africano habebant, praesto fuere exeunti consuli et nomina dederunt.
[4]
per eos dies, quibus est profectus ad bellum
consul, ludis Apollinaribus, a. d. quintum2 idus Quinctiles caelo sereno interdiu obscurata lux est, cum luna sub orbem3 solis subisset.
[5]
et L. Aemilius [p. 302]
Regillus, cui navalis provincia evenerat, eodem4 tempore profectus est. L. Aurunculeio negotium ab senatu datum est ut triginta quinqueremes, viginti triremes faceret, quia fama erat Antiochum post proelium navale maiorem classem aliquanto
reparare.
[6]
Aetoli, postquam legati ab Roma rettulerunt
nullam spem pacis esse, quamquam omnis ora maritima eorum, quae in Peloponnesum versa est, depopulata ab Achaeis erat,
[7?]
periculi magis quam damni
memores, ut Romanis intercluderent iter, Coracem
occupaverunt montem; neque enim dubitabant ad
oppugnationem Naupacti eos principio veris redituros esse.
[8]
acilio, quia id expectari sciebat, satius
visum est inopinatam5 aggredi rem et Lamiam oppugnare;
[9]
nam et a Philippo prope ad excidium
adductos esse, et tunc eo ipso, quod nihil tale timerent, opprimi incautos posse.
[10]
profectus ab Elatia
primum in hostium terra circa Spercheum amnem
posuit castra; inde nocte motis signis prima luce
corona moenia est aggressus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.