Click on a word to bring up parses, dictionary entries, and frequency statistics
28. Teii, cum in oculis populatio esset,
oratores cum infulis et velamentis ad Romanum
miserunt.
[2]
quibus purgantibus civitatem omnis facti
dictique hostilis adversus Romanos, et iuvisse eos
commeatu1 classem hostium arguit, et quantum vini Polyxenidae promisissent; quae si eadem Romanae
[p. 372]
classi darent, revocaturum se a populatione militem;2 si minus, pro hostibus eos habiturum.
[3]
hoc tam triste responsum cum rettulissent legati, vocatur in contionem a magistratibus populus, ut quid agerent consultarent.
[4]
eo forte die Polyxenidas cum regia
classe a Colophone profectus postquam movisse a
Samo Romanos audivit et ad Myonnesum piratas
persecutos Teiorum agrum depopulari, naves in
Geraestico portu stare,
[5?]
ipse adversus Myonnesum
in insula—Macrin nautici vocant—ancoras portu
occulto iecit.
[6]
inde ex propinquo explorans quid
hostes agerent, primo in magna spe fuit, quem ad
modum Rhodiam classem ad Samum circumsessis ad
exitum faucibus portus3 expugnasset, sic et Romanam expugnaturum. nec est dissimilis natura loci:
[7]
promunturiis coeuntibus inter se ita clauditur portus, ut vix duae simul inde naves possint exire.
[8]
inde nocte occupare fauces Polyxenidas in animo habebat,
et denis navibus ad promunturia stantibus, quae ab
utroque cornu in latera exeuntium navium pugnarent,
ex cetera classe, sicut ad Panhormum fecerat, armatis
in littora expositis terra marique simul hostes opprimere.
[9]
quod non vanum ei consilium fuisset ni, cum
Teii facturos se imperata promisissent, ad accipiendos
commeatus aptius visum esset Romanis in eum
portum, qui ante urbem est, classem transire.
[10]
dicitur et Eudamus Rhodius vitium alterius portus
ostendisse, cum forte duae naves in arto ostio implicitos remos fregissent;
[11]
et inter alia id quoque movit
[p. 374]
praetorem, ut traduceret classem, quod ab terra4 periculum erat, haud procul inde Antiocho stativa habente.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.