Click on a word to bring up parses, dictionary entries, and frequency statistics
25. magnam Romanis laetitiam prius victoriae1 nuntius, deinde adventus attulit Rhodiorum;
[2]
et
apparebat, si Rhodiis ea cura dempta fuisset, vacuos
eos tuta eius regionis maria praestaturos. sed
profectio Antiochi ab Sardibus simul metus2 ne opprimerentur maritimae urbes, abscedere custodia Ioniae atque Aeolidis prohibuerunt;
[3]
pamphilidam
cum quattuor navibus tectis ad eam classem quae
circa Patara erat miserunt.
[4]
Antiochus non civitatium modo quae circa se erant contrahebat praesidia,
sed ad Prusiam Bithyniae regem legatos miserat
litterasque, quibus transitum in Asiam Romanorum
increpabat:
[5]
venire eos ad omnia regna tollenda, ut
nullum usquam in orbe3 terrarum nisi Romanum imperium esset;
[6]
Philippum, Nabim expugnatos; se tertium peti; ut quisque proximus ab oppresso sit, per omnes velut continens incendium pervasurum;
[7]
ab se gradum in Bithyniam fore, quando Eumenes
in voluntariam servitutem concessisset.
[8]
his motum
Prusiam litterae Scipionis consulis, sed magis fratris
eius Africani, ab suspicione tali averterunt, qui
praeter consuetudinem perpetuam populi Romani
augendi omni honore regum sociorum maiestatem,
domesticis ipse exemplis Prusiam ad promerendam
amicitiam suam compulit:
[9]
regulos se acceptos in
[p. 364]
fidem in Hispania reges4 reliquisse; Masinissam non5 in patrio modo locasse regno, sed in Syphacis, a quo ante expulsus fuisset, regnum imposuisse;
[10]
et esse eum non Africae modo regum longe opulentissimum, sed toto in orbe terrarum cuivis regum vel maiestate vel viribus parem.
[11]
Philippum et Nabim, hostes et
bello superatos ab T. Quinctio, tamen in regno
relictos.
[12]
Philippo quidem anno priore etiam stipendium remissum et filium obsidem redditum; et
quasdam civitates extra Macedoniam patientibus
Romanis imperatoribus recepisse eum. in eadem
dignitate et Nabim futurum fuisse, nisi eum suus
primum furor, deinde fraus Aetolorum absumpsisset.
[13]
maxime confirmatus est animus regis, postquam ad
eum C. Livius, qui praetor ante classi6 praefuerat,
[14?]
legatus ab Roma venit et edocuit quanto et spes victoriae certior Romanis quam Antiocho et amicitia sanctior firmiorque apud Romanos futura esset.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.