Titus Livius (Livy), The History of Rome, Book 37
Evan T. Sage, PhD professor of latin and head of the department of classics in the University of Pittsburgh, Ed.

18. per idem tempus Seleucus Antiochi filius, cum per omne hibernorum tempus exercitum in Aeolide continuisset partim sociis ferendo opem, [2?] partim quos in societatem perlicere non poterat depopulandis, transire in¹ fines regni Eumenis, dum is² procul ab domo cum Romanis et Rhodiis Lyciae maritima oppugnaret, statuit. [3] ad Elaeam primo infestis signis accessit; deinde omissa oppugnatione urbis agros hostiliter depopulatus ad caput [p. 342] arcemque regni Pergamum ducit oppugnandam.³ [4] Attalus primo stationibus ante urbem positis et excursionibus levisque⁴ armaturae magis lacessebat quam sustinebat hostem; [5] postremo cum per levia certamina expertus nulla parte virium se parem esse intra moenia se recepisset, obsideri urbs coepta est. [6] eodem ferme tempore⁵ et Antiochus ab Apamea profectus Sardibus primum, deinde haud procul Seleuci castris ad caput Caici amnis stativa habuit cum magno exercitu mixto variis ex gentibus. plurimum [7] terroris in⁶ Gallorum mercede conductis quattuor milibus erat.⁷ hos paucis . . . admixtis⁸ ad pervastandum passim Pergamenum agrum milites misit.⁹ [8] quae postquam Samum nuntiata sunt, primo Eumenes avocatus domestico bello cum classe Elaeam petit; inde, cum praesto fuissent equites peditumque expediti, praesidio eorum tutus, priusquam hostes sentirent aut moverentur, Pergamum contendit. ibi [9] rursus¹⁰ levia per excursiones proelia fieri coepta Eumene summae rei discrimen haud dubie detractante.¹¹ : Paucos post dies Romana Rhodiaque classis ut regi opem ferrent, Elaeam ab Samo venerunt. quos [10] ubi exposuisse copias Elaeae et tot classes in unum convenisse portum Antiocho adlatum est, et sub¹² idem tempus audivit consulem cum exercitu [p. 344] iam in Macedonia esse pararique, quae ad transitum¹³ Hellesponti opus essent, tempus venisse ratus, priusquam terra marique simul urgeretur, [11?] agendi de pace¹⁴ tumulum quendam adversus Elaeam castris cepit; [12] ibi peditum omnibus copiis¹⁵ relictis cum equitatu—erant autem sex milia equitum—in campos sub ipsa Elaeae moenia descendit misso caduceatore ad Aemilium, velle se de pace agere.