Click on a word to bring up parses, dictionary entries, and frequency statistics
41. iam fere in exitu annus erat, et in dies
magis1 et fama de bello Antiochi et cura patribus crescebat;
[2]
itaque de provinciis designatorum magistratuum, quo intentiores essent omnes, agitari
coeptum est.
[3]
decrevere ut consulibus Italia et quo
senatus censuisset—eam2 esse bellum adversus Antiochum regem omnes sciebant—provinciae essent.
[4]
cuius ea sors esset, quattuor milia peditum civium
Romanorum et trecenti equites, sex milia socium
Latini nominis cum quadringentis equitibus sunt
decreta.
[5]
eorum dilectum habere L. Quinctius consul iussus, ne quid moraretur quo minus consul novus
quo senatus censuisset extemplo proficisci posse.
[6]
item de provinciis praetorum decretum est,3 prima ut sors duae, urbanaque4 et inter cives ac peregrinos iurisdictio esset, secunda Brutti, tertia classis, ut navigaret quo senatus censuisset, quarta Sicilia, quinta Sardinia, sexta Hispania ulterior.
[7]
imperatum praeterea L. Quinctio consuli est ut duas
[p. 122]
legiones civium Romanorum novas conscriberet et5 socium ac Latini nominis viginti milia peditum et octingentos equites. eum exercitum praetori cui Brutti provincia evenisset decreverunt.
[8]
aedes duae Iovis eo anno in Capitolio dedicatae
sunt; voverat L. Furius Purpurio praetor Gallico bello
unam, alteram consul; dedicavit Q. Marcius Ralla
duumvir.
[9]
iudicia in faeneratores eo anno multa
severe sunt facta accusantibus privatos aedilibus
curulibus M. Tuccio et P. Iunio Bruto.
[10]
de multa
damnatorum quadrigae inauratae in Capitolio positae,
et in cella Iovis supra fastigium aediculae et duodecim clupea inaurata, et iidem porticum extra
portam Trigeminam inter lignarios fecerunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.